Proverbios 4:1 - Biblia Enxet

¹ Kélketchek, kólyahakxoho chá'a appeywa kélyáp; kóltaqmelchesho chá'a kélháxenmo yaqwayam kólmok kélyekpelchémo aqsok.

Proverbios 4:1 Referans Kwoze

Salmos 34:11

Kéxegke kélketkók nak, kólchexyem, kóleyxho sa' sekpeywa: alxekmósek sa' nentémakxa agáwhok Wesse' egegkok.

Proverbios 1:8

Hatte, yeyxho chá'a m'a ektémakxa appékessáseyak apyáp, ná eyenyow chá'a ektémakxa élxekmowáseyak ma'a egken,

Proverbios 22:17

Etaqmelchesho apháxenmo ekyókxoho aqsok apkelxeyenma nak ma'a apkelya'áseykegkoho nak aqsok; epekken apwáxok ma'a ektáhakxa enxoho sélxekmósso.

Proverbios 5:1

Hatte, elyahakxoho chá'a ektémakxa nak ko'o sekya'áseykegkoho aqsok; etaqmelchesho apháxenmo ektémakxa nak ko'o sekmowána aqsok.

Proverbios 19:20

Yeyxho chá'a ektáhakxa kélpaqhetchesso, ema chá'a takha' ektáhakxa kélnókáseykha; keñe sa' etnehek ekha apya'áseykegkoho aqsok.

Proverbios 7:4

Etne sa' apyáxeg ma'a ektémakxa nak negya'áseykegkoho aqsok, etne sa' apxegexma m'a ektémakxa nak negmowána aqsok.

Proverbios 1:2

yaqwayam agya'asagkohok negya'áseyak, tén han agwetak sempékessáseyak, hempasmok agya'asagkohok ma'a amya'a ekmámnaqsoho megkaqhémo nak ageyxho',

Jeremías 35:8

Nélyeheykekxók negko'o ekyókxoho m'a apkeltémókxa axta chá'a antéhek ma'a egyáp nano' Jonadab, magyeneykegkok xama enxoho m'a vino, ekweykekxoho m'a ennaqteyegka'a nak, tén han egketchek,

Génesis 49:2

“Hélyepetchegwatámho yaqwayam kóleyxhok sekpeywa, étchek ko'o sektáha nak kélyáp Jacob, kóleyxho sa' sekpeywa ko'o sektáha nak kélyáp Israel.

Proverbios 13:1

Elyahakxohok chá'a appaqhetchesa enxoho apyáp ma'a kélketche apya'áseykegkoho nak aqsok; keñe m'a apchásennamap nak, melyahakxeyk chá'a ektáhakxa kélnokáseykha.