Proverbios 31:3 - Biblia Enxet

³ Nágyoho kasawhaksek ektémakxa apyennaqte m'a kelán'ák nak, hakte cháxa eknaqtawáseykencha'a nak chá'a m'a apkelwesse'e apkelwányam.

Proverbios 31:3 Referans Kwoze

Nehemías 13:26

“¡Cháxa ektéma axta han apkeláneya mey'assáxma Salomón xa ektéma nak, wesse' apwányam axta m'a Israel! Méko axta eykhe xama wesse' apwányam nepyeseksa m'a pók aptémakxa énxet'ák aphawo nak xa, tén han apchásekhayo m'a Dios; tén han apteméssessama wesse' apwányam ma'a ekyókxoho nak Israel, kelánessegkek axta eyke mey'assáxma m'a kelán'a megkatnaha nak appeywomo xamo'.

Deuteronomio 17:17

Megkeymaxcheyk sa' nahan etnehek ekxámokma m'a apnaqteyegka'a, yaqwayam enxoho megkeytnakhássessemek ektémakxa apyetleykha m'a Wesse' egegkok; megkeymaxcheyk sa' nahan yepmenyéhok ekxámokma agko' ma'a sawo ekyátekto élmomnáwa tén han ma'a sawo ekmope élmomnáwa nak.

1 Reyes 11:1

Háwe axta wánxa xama faraón apketche apchásekhayo m'a wesse' apwányam Salomón, xámok axta han ma'a kelán'a éleñama nak mók apkelókxa: kelán'ák moabitas, edomitas, sidonias tén han ma'a kelán'ák nak hititas;

Oseas 4:11

“Ekmaso nentémakxa mansexta, tén han negyá vino, awanchek hegyeykesek exma.