Proverbios 31:25 - Biblia Enxet

²⁵ Kayhek nahan émpehek ma'a, kéláyo han, megkeytnakhaksók han awáxok ma'a yaqwánxa enxoho katnehek amonye'.

Proverbios 31:25 Referans Kwoze

Job 40:10

Yáhakkasap kaxwók apyennaqte tén han apteme wesse', yaqláp apcheymákpoho tén han apkelyenma.

Job 29:14

Ektaxneykekxeyk axta ko'o m'a ekpéwomo nak nentémakxa, eyáhakkásamaxcheyk axta: máxa sétchesso épátek axta ektemék ma'a meyke nak sektémakxa'.

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Salmos 132:9

Etnahagkok sa' chá'a ekpéwomo apkeltémakxa m'a apkelmaxnéssesso nak chá'a énxet'ák apagkok; elwónchesha sa' kalpayhekxak apkelwáxok ma'a apteme nak chá'a melyenseyam apkelyetleykha.

Salmos 132:16

Alewánessesek sa' ko'o apkelmaxnéssesso énxet'ák ahagkok yaqwayam elwetaksek chá'a apkelwagkásamap teyp eñama nak ko'o, elwónchesha sa' kalpayhekxak apkelwáxok ma'a apteme nak chá'a melyenseyam apkelyetleykha.