Proverbios 30:15 - Biblia Enxet

¹⁵ Ánet katnehek étkók ma'a seyáneg, wánxa aqsa chá'a katnehek se'e: ¡Mók makham, mók makham! Yetneyk ántánxo aqsok megkalyaqkáñam nak, keñe m'a ektáhakxa nak cuatro megkatnehek ekpeywa s'e: “Wánxa ektáhak”,

Proverbios 30:15 Referans Kwoze

Proverbios 30:29

Yetneyk ántánxo aqsok élyennaqte, keñe ektáhakxa nak cuatro, éleymáxkoho chá'a kalxog:

Proverbios 30:21

Yetneyk ántánxo aqsok megkólmámenyého nak katnehek xama apchókxa, keñe m'a ektáhakxa nak cuatro kalpexyennegkesek xóp:

Proverbios 6:16

Yetneyk siete aqsok aptaqnagkamakxa apagko' nak ma'a Wesse' egegkok:

Miqueas 7:3

Apwancha'ak elanagkok ma'a aqsok ekmaso; eltamhok chá'a elxawagkok ekyánmaga m'a wesse' apkeláneykha nak, elmok chá'a takha' kólmések selyaqye yaqwayam mepékesók aqsok apkelxeyenma m'a énxet'ák segyekpelchémo nak, elanagkok chá'a ekxénakxa enxoho chá'a apkelwáxok elanagkok ma'a kelwesse'e nak, etwássesha chá'a apkeltémakxa énxet'ák ma'a tegma apwányam.

Amós 2:4

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Judá, megkatnehek sa' mallegassáseykegkoho; hakte aptaqnagkamchek ma'a nélxekmowásamáxche ahagkok, ko'o sektáha nak Wesse' apagkok, melyaheykekxak ma'a segánamakxa ahagkok nak, apkelpeykessamók aqsa chá'a m'a kéleykmássesso apkelpeykessamo axta chá'a m'a apyapmeyk nano'.

Amós 2:1

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Moab, megkatnehek sa' mallegassáseykegkoho; hakte apkelwatneykekxeyk apexchakkok ma'a wesse' apwányam Edom, ekwokmoho ektamhákxo táhap.

Amós 1:13

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Amón, megkatnehek sa' mallegassáseykegkoho; hakte apkelpáxqatcháseykegkek axta awokma'ák kelán'ák lós'awo', ekheykha nak Galaad, apmáheyo eyánchesagkok ma'a xapop apagkok.

Amós 1:11

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Edom, megkatnehek sa' mallegassáseykegkoho; hakte yetlo sókwenaqte apkelmeykha apmenxeneykha m'a apkelyáxeg'a israelitas, meyke apkelmopyóseka apkelányo. Megyésseykekxak apkeltaqnagkama, megkamassegweykmok apkello.

Proverbios 30:24

Yetneyk cuatro aqsok nawha'ák étcheyetse nak keso náxop, élya'áseykegkoho agko' nak aqsok:

Amós 1:9

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Tiro, megkatnehek sa' mallegassáseykegkoho; hakte apkelméssegkek énxet'ák apkelma m'a énxet'ák Edom, cham'a apyókxoho énxet'ák aphéssamo axta mók apkelpaqhetchásamákpoho m'a apnámakkok.

Amós 1:6

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Gaza, megkatnehek sa' mallegassáseykegkoho; hakte apkelmomchek axta apyókxoho énxet'ák, keñe apkexakhagweykmo ekha ekyánmaga m'a Edom, yaqwayam etnahagkok kélásenneykha naqsa.

Amós 1:3

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Damasco, megkatnehek sa' mallegassáseykegkoho; hakte nápakha'a apketkók aptemessáseykegkok ma'a apheykha nak Galaad máxa aptemessessók ma'a hótáhap apaktek kélchexakkassól'a apyempe'ék, kélmeykhal'a m'a aqsok éxakkassól'a apyempe'ék élánamáxchel'a sawo.

Isaías 57:3

Kólchaqnágwatámho s'e, kéxegke, kéltamhéyak nak chá'a kelyohóxma, kélteme nak énxet aptawáseykha élyamhopma aptawán'ák neptámen tén han kelán'a ekyaqmagkáseyak pók énxet ekpathetéyak ekma chá'a ekyánmaga:

Proverbios 27:20

Megkayaqkáneykmok ma'a élmaheykegkaxa nak eghagák, tén han ma'a takhaxpop nak, hawók han ektémakxa nak énxet étsapeykha nak apnények aqsok xa, mewagkasek néxa apmopmenyého aqsok.

Proverbios 30:14

Yetneyk énxet ekho nak sókwenaqte m'a apma'ák nak, tén han sawo m'a awhók apma'ák nak, yaqwayam emasséssók ma'a ekha nak chá'a eyeyméxchexa aqsok ma'a aphágkaxa, tén han ma'a meyke nak aqsok apagkok.

Proverbios 30:16

cham'a takhaxpop, kelán'a megkate étche, ekyame exma nak xapop meyke yegmen tén han ma'a táxa megkaspónegwayam nak.