Proverbios 30:14 - Biblia Enxet

¹⁴ Yetneyk énxet ekho nak sókwenaqte m'a apma'ák nak, tén han sawo m'a awhók apma'ák nak, yaqwayam emasséssók ma'a ekha nak chá'a eyeyméxchexa aqsok ma'a aphágkaxa, tén han ma'a meyke nak aqsok apagkok.

Proverbios 30:14 Referans Kwoze

Salmos 57:4

Ekyetnegkek ko'o náxop neyseksa yámakméwa ektómo nak chá'a énxet; máxa sawhéwa m'a am'ák nak, tén han yágke aktek, keñe m'a axkok nak, ekhawo m'a sókwenaqte ekmahantal'a.

Salmos 3:7

¡Wesse', yempekxa néten! ¡Dios ahagkok, hewagkas ko'o teyp! Xép sa' eltekpogkasseták nápaqta'a m'a énxet'ák sélenmexma nak ko'o; ¡xép sa' elekkexchesseták apma'ák ma'a énxet'ák élmasagcha'a nak apkeltémakxa!

Salmos 14:4

Máxa meyke apkelya'áseyak aqsok aptamheykegkok ma'a élmasagcha'a nak apkeltémakxa, máxa apteméssessók énxet'ák ahagkok ma'a énxet aptól'a pán, melmaxnagko nak chá'a m'a Wesse' egegkok.

Job 29:17

Élekkexchessegkek axta chá'a ko'o apmáxempenák élmasagcha'a nak apkeltémakxa, élhaxyawássesseykekxeyk axta chá'a apwáxok ma'a apmáheyo nak etwok.

Amós 8:4

Kóleyxho s'e, kéxegke kélnaqtawáseykegkoho nak chá'a m'a apkelmopyóseka nak, tén han kéltawassáseykha nak chá'a apheykha m'a meyke nak aqsok apagkok ma'a kélókxa;

Eclesiastés 4:1

Élanawók axta ko'o énxet'ák ektémakxa apnaqtawáseykegkoho apnámakkok apheykha nak keso náxop. Ekwet'ak axta apkellekxagweyncha'a m'a énxet'ák kélnaqtawáseykegkoho nak, méko axta eyke élpeykessásekxo chá'a apkelwáxok; asagkók agko' axta chá'a apteméssesakxa m'a ektáha nak apnaqtawáseykegkoho, méko axta eyke élpeykessásekxo apkelwáxok.

Salmos 58:6

Dios ahagkok, ¡elekkexches apma'ák! Wesse', ¡elekkexches élyawakxa am'ák xa yámakméwa nak!

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Sofonías 3:3

Máxa yámakméwa m'a apkelámha apmonye'e apagkok élpáweykhal'a awáxok; máxa aqsok nawha'ák éllo élleykhal'a meykexa énxet ma'a segyekpelchémo apagkok nak, megkáyam la'a ketsék axchapok yaqwayam katwok ma'a saka.

Habacuc 3:14

Yágke apagkok xép apmakta'ak apchaqha m'a wesse' apagkok apketamokmo axta yátnáxeg apkelchánte apagkok yetlo éleymáxkoho apkelwáxok aptáha m'a ektémól'a éxchahayam ekyennaqte, peya eykhe emasséssók meyke amya'a m'a apmopyóseka nak, tén han yexpánchesek.

Amós 4:1

Kóleyxho sa' se'e kelán'ák nak Samaria, kélhémo nak weyke eknaqmele Basán, kélyentaxnéssesso nak chá'a apheykha m'a meyke nak aqsok apagkok, kélnaqtawáseykegkoho nak chá'a m'a apkelmopyóseka nak, kéltémo nak chá'a elsantagkasek anmen yámet égmenek ma'a kélnaqteyegka'a, yaqwayam kólyenagkok.

Amós 2:7

Máxa xapop nélteyammeykha apteméssessók apnaqtawáseykegkoho m'a énxet'ák apkelmopyóseka nak, mepékessessók chá'a apkelánekxésso amya'a m'a meyke nak ekpasmo. Apkelyaqmagkásamákpek chá'a appathetéyak xama kelán'a m'a apyáp tén han apketche, aptawáseykha chá'a sekwesey ekpagkanamaxche aptamhéyak xa ektáha nak.

Isaías 32:7

Keñe m'a énxet apmopwána nak elyexanchesha pók yásenneykxak chá'a m'a ektémakxa nak apmopwána apteme apmopwána amya'a, elánekxak chá'a yaqwánxa etnehek elának ma'a aqsok ekmaso agko' nak; apmopwána amya'a chá'a etnehek etwássesha apheykha m'a énxet'ák meyke nak aqsok apagkok tén han ma'a ekha nak chá'a eyeyméxchexa aqsok ma'a apxanák apkeltémo nak chá'a kóltaqmelchessásekxak apheykha.

Proverbios 28:3

Apkemha apmonye' ekmaso nak aptémakxa, apnaqtawáseykegkoho nak ma'a énxet meyke nak aqsok apagkok, máxa etnehek ma'a ektémól'a ekmámeye ekyennaqte ektawáseykhal'a aqsok ekyexna kélcheneykekxa.

Proverbios 22:16

Énxet apnaqtawáseykegkoho nak meyke aqsok apagkok yaqwayam exámasagkok aqsok apagkok, essenhan han ma'a apkelmésso nak chá'a aqsok apagkok ma'a ekxákma nak aqsok apagkok, meyke aqsok apagkok sa' katnehek.

Proverbios 12:18

Yetneyk énxet apyenheykha nak chá'a appeywa ekmaso pók, ektémól'a elyetxák pók énxet sawo, awanchek eyke hentaqmelchessók appeywa m'a énxet apya'áseykegkoho nak aqsok, ektémól'a pánaqte.

Salmos 52:2

Wánxa aqsa ekxéneykencha'a apwáxok elának ma'a aqsok ekmaso, sensexnenagkamo m'a appeywa, máxa sawo ekmahanta m'a apaxkok.

Salmos 124:6

¡Tásek sa' chá'a katnehek apxénamap Wesse' egegkok, eñama megyahayo henteméssesek nekha'a egketkók hẽltakxagkok ma'a nélenmexma!

Proverbios 30:15

Ánet katnehek étkók ma'a seyáneg, wánxa aqsa chá'a katnehek se'e: ¡Mók makham, mók makham! Yetneyk ántánxo aqsok megkalyaqkáñam nak, keñe m'a ektáhakxa nak cuatro megkatnehek ekpeywa s'e: “Wánxa ektáhak”,

Isaías 3:14

Apkelyekpelchássásawók sa' agkok énxet'ák ma'a Wesse' egegkok, sa' etnehek elának énxet'ák segyekpelchémo nak tén han apkelámha apmonye'e nak apchókxa s'e: “Kéltawáseykha kéxegke m'a anmen yámet séneykekxa; kélmenyexcháseykegkek aqsok apagkok ma'a énxet'ák meyke nak aqsok apagkok, kélxátaweykekxeyk kañe' kélxanák ma'a aqsok kélmenyexéyak nak.

Job 41:14

¿Yaqsa awanchek kameykessesek átog, ekheykegkaxa nak ma'a am'ák ekpexchessamo nak egyempehek anlano'?

Salmos 57:5

Dios ahagkok, aphegkek xép ma'a teyp nak néten. ¡Sawheykekxók xép apcheymákpoho nélwanmeygkaxa!

Isaías 3:15

Megkólwanchek agko' kéxegke kólnaqtawasagkohok énxet'ák ahagkok, tén han kólteyágkasha chá'a nápaqta'a m'a énxet'ák meyke nak aqsok apagkok.” Cháxa aptáhakxa axta Wesse' ekha nak apyennaqte xa.

Isaías 10:2

megkóltaqmelchessáseykekxa nak apheykha m'a énxet'ák apkelyelqamákpoho nak, tén han megkóllányo nak ektémakxa apheykha m'a énxet'ák ahagkok meyke nak aqsok apagkok, kélnaqtawáseykegkoho nak chá'a m'a xentampe'e nak, tén han kélmenyexcháseyak nak chá'a aqsok agkok ma'a élyeheykha nak!

Ezequiel 22:6

Apháha kelwesse'e nak chá'a Israel ma'a, cham'a apheykencha'a nak chá'a nepyeseksa exchep, apkeláneykegko nak chá'a ekyókxoho, apmako enxoho chá'a elanagkok ma'a aqsok ekmaso agko' nak.

Ezequiel 34:3

Kélyeneykegkek chá'a kéxegke m'a neme apyegmenek apagkok, kélláneykegkek nahan chá'a kélántaxno m'a apwa', kélnapmeyk nahan chá'a m'a nepkések apnaqmele apagko' nak, makke kólláneykha chá'a m'a nepkések kélnaqtósso.