Proverbios 3:5 - Biblia Enxet

⁵ Etne apcháyo Wesse' egegkok ekweykmoho kañók agko' apwáxok, nágyásenneykxa m'a ektémakxa nak apmopwána aqsok.

Proverbios 3:5 Referans Kwoze

Salmos 37:5

Egkés Wesse' egegkok ma'a aptémakxa nak; ná ey'ássem ma'a, keñe sa' epasmok.

Proverbios 28:26

Énxet ekyeyháxma m'a apchásennamakpoho apagko' nak chá'a; kólmallahanchesek sa' eyke chá'a ekmaso apha m'a énxet apkelane nak chá'a nélxekmowasamáxche ektaqmela nak.

Salmos 37:3

Ná ey'ássem Wesse' egegkok, elána aqsok ektaqmela, ná eyensem apyetleykha neyseksa apha xapop apagkok.

Salmos 62:8

¡Énxet'ák ahagkok, nágkólya'ássem chá'a Dios! ¡Kóltennés chá'a ekyókxoho ektáhakxa kélwáxok! ¡Dios apteme negko'o segmasma!

Isaías 12:2

Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”

Salmos 37:7

Ewanmeyha sa' aqsa nápaqto' Wesse' egegkok, eleyx aqsa epasmok meyke appekhésamap. Nágkalókas apwáxok étak ma'a énxet'ák ektaqmalma nak apheykha, ekteyapma nak chá'a aqsok ekmaso yaqwayam elanagkok.

Proverbios 3:7

Ná exénmakha apteme apmopwána apagko' aqsok; etne apcháyo Wesse' egegkok, étnakhés ma'a aqsok ekmaso.

Jeremías 10:23

Wesse', ekya'ásegkók ko'o énxet háwe apagkok ma'a apyennaqte nak, tén han háwe apya'áseykegkoho yaqwánxa katnehek apweynchámeykha.

Salmos 125:1

Megkólwanchek kóltaqhesha m'a apcháyo nak chá'a Wesse' egegkok; aphawók ma'a egkexe Sión, émha nak chá'a meyke néxa'.

Jeremías 9:23

Aptáhak Wesse' egegkok se'e: “Kéméxcheyk megkeyxkók appeywa exénakpekxohok apagko' énxet apya'áseykegkoho nak aqsok eñama apteme ekha apya'áseyák, tén han ma'a énxet apyennaqte nak eñama apteme ekha apyennaqte, tén han ma'a ekxámokma nak aqsok apagkok, eñama apteme ekxámokma aqsok apagkok.

Proverbios 22:19

Sakhem agko' xép sekya'assásegwokmo xa aqsok nak, yaqwayam enxoho etnehek apcháyo m'a Wesse' egegkok.

Job 13:15

Heyaqhek sa' eykhe, malwátessemek sa' eyke sektémakxa nak chá'a sekpeywa, yaqwayam altennaksek nápaqtók sekteme meyke sektémakxa'.

Proverbios 23:4

Nágyaqhap aptamheykha eltamhok etnehek ekxákma aqsok apagkok; elwatés ekxéneykha apwáxok katnehek xa ektáha nak.

Números 9:20

Axta agkok chá'a kawegqawok ekhem ekyetno yaphope m'a néten nak tegma appagkanamap, elxegekxak axta chá'a m'a apkeltamho enxoho chá'a elxegekxak ma'a Wesse' egegkok, elpakxenagkok axta nahan chá'a m'a apkeltamho enxoho chá'a elpakxenagkok.

Números 9:22

Yetneyk axta agkok chá'a yaphope ánet ekhem ma'a néten nak tegma appagkanamap, essenhan xama pelten, essenhan xama apyeyam, elpakxenagkok axta chá'a m'a israelitas, melxegekxeyk axta chá'a. Meyákxeyk axta agkok chá'a néten ma'a yaphope nak, keytlawhok axta chá'a apkelchampeykekxa néten, elxegekxak axta chá'a makham.

Esdras 8:23

Axta antókagkok negko'o nentéyak, nélmaxnakkek axta Dios xa ekyókxoho nak, aphaxnawók axta han ma'a nélmaxnagko.