Proverbios 3:3 - Biblia Enxet

³ Ná eyensem ektémakxa negásekhayo egmók tén han ekmámnaqso' agko'; eswoho chá'a apmahágkaxa enxoho, ektémól'a agkexnek egyespok ma'a nennatanma. Elqahés apwáxok,

Proverbios 3:3 Referans Kwoze

Proverbios 7:3

Enaqtehet sa' ma'a apophék nak, epekken apwáxok.

Proverbios 6:21

Epekken chá'a apwáxok, emakhésha m'a apyespok;

Malaquías 2:6

Apkelxekmóssegkek axta chá'a amya'a ekmámnaqsoho m'a Leví, axta exeyenmak xama aqsok ekmaso enxoho. Aphegkek axta meyke aptémakxa xamók ko'o. Apmasséssessegkek axta apkelánéyak aqsok ekmaso apxámokma apagko' énxet.

Proverbios 16:6

Kólmasseksohok chá'a nentémakxa magya'assáxma m'a negásekha'awo enxoho Wesse' egegkok yetlo magyenyaweykha; nentemék agkok negáyo Wesse' egegkok, cháxa negyenyékxo aqsok ekmaso xa.

Proverbios 20:28

Megkamassegwomek chá'a apteme wesse' apwányam aptémakxa nak chá'a wesse' apwányam, apkelánesa enxoho chá'a ektaqmalma apheykha énxet'ák, yetlo apkelásekhayo, tén han ekmámnaqso'.

Proverbios 1:9

hakte kataqmelcheshok sa' xép élnáxegkáseykha xa: máxa sa' katnéssesek ma'a ektémól'a nennatanma ektaqmalmal'a, tén han ma'a nétchesso empátek élyenmál'a.

Salmos 119:11

Ekpekkenmeyk ko'o ewáxok ma'a appeywa nak xép, yaqwayam enxoho malanyek may'assáxma nápaqto' xép.

Salmos 25:10

Enaqlakxak chá'a yetlo apkelásekhayo, tén han melyenyaweykha m'a ektáha nak chá'a apkeláneyak ekhémo mók nélpaqhetchásamáxkoho apagkok nak, tén han ma'a apkeltémókxa nak antéhek.

Éxodo 13:9

Máxa sa' eyke katnehek kéxegke kélqahassól'a kélaktog essenhan ma'a ekpayhakxa kélnát nak. Sa' katnehek chá'a ekxénchesseykekxoho kélwáxok kéxegke eyéméxko chá'a kólxének ma'a segánamakxa eñama nak ma'a Wesse' egegkok, hakte axta apkelántekkesso Egipto ekyetlómo ekwányam agko' apmopwána m'a.

Jeremías 17:1

“Énxet'ák Judá, táxésamaxcheyk kéxegke megkólya'assáxma m'a táxésso élánamáxche nak sawo, kélqahassegkek meteymog ekyennaqte ekmahanta naw'a m'a meteymog ekyetnama nak kañe' kélwáxok, tén han ma'a élámha nak nekhaw'ék élmahamtakcha'a m'a kélwatnamakxa nak chá'a aqsok.

Deuteronomio 6:8

Kólnaqtehet sa' kélmék se'e apkeltémókxa nak antéhek, kólyepetches sa' nahan ekpayhakxa kélnát yaqwayam enxoho katnehek ekxénchesseykekxoho chá'a kélwáxok,

Oseas 4:1

Israelitas, kóleyxho aptáhakxa nak appeywa Wesse' egegkok. Appekkenchek yaqwayam elxénchásekxohok apkeltémakxa énxet'ák apheykha nak se'e apchókxa nak, hakte méko kaxwók mekxeymákpoho nepyeseksa énxet'ák se'e, tén han melyepetcheykha apnámakkok; massegkek apkelya'áseyak ma'a Dios.

2 Samuel 15:20

Hemaxta axta exchep apwa'a, ¡megkapayhawok ko'o wának hẽlyetlógmak xép, may'ásegkok han ko'óxa yaqwánxa amhagkok! Tásek etaqhoho', enaqlakxohok han ma'a appeywomo xamo'. ¡Wesse' egegkok sa' epasmok, etnehek sa' chá'a apxegexma megkatnégwayam néxa!

Salmos 85:10

Keypetchekxak sa' segásekhayo m'a ektémakxa nak mehegyenyaweykha, kapathétekxak sa' mók ma'a meyke ektáhakxa nak negha, tén han ekpéwomo nentémakxa,

Proverbios 14:22

Elxegánegwók chá'a ámay apagkok ma'a énxet'ák apmáheyo nak chá'a elanagkok aqsok ekmaso; keñe m'a énxet apmáheyo nak chá'a elának aqsok ektaqmela, yásekhakpohok chá'a, kólpasmaha han.

Éxodo 34:6

Aptáhak axta appaqmeta ekyennaqte agko' apyeyk'a apmonye' Moisés se'e: —¡Ko'o Wesse'! ¡Ko'o Wesse'! ¡Dios seyemleykekxoho tén han apmopyósa nak alanok énxet, mapekhésamaxche' tén han ekyawe seyásekhayo tén han ekmámnaqsoho agko'!