Proverbios 3:24 - Biblia Enxet

²⁴ Apkellókassek sa' agkok chá'a apyampe, méko sa' katnehek ektamheykha apwáxok; apyetneyk sa' agkok, tásek sa' chá'a katnehek apteyenma.

Proverbios 3:24 Referans Kwoze

Salmos 3:5

Eytek chá'a ko'o atyenek, axatakhak han chá'a, hakte Wesse' egegkok chá'a hepasmok.

Salmos 4:8

Wesse', eytek chá'a ko'o meyke sélya'ásekhaxma, ñohok nahan chá'a atyenek, hakte xép keñamak segkésso meyke ektáhakxa ewáxok.

Proverbios 6:22

kapékessesagkok sa' chá'a apxega enxoho, kataqmelchesek sa' nahan chá'a aptena enxoho, kapaqhetchesha sa' han chá'a m'a apxatakha'a enxoho.

Jeremías 31:26

Ekxatakha'ak axta, élyaháha axta nahan. Peykesákxeyk axta ewáxok ektáhakxa sekwanmagko.

Job 11:19

Méko sa' chá'a keygwakkasek apkellókasa enxoho chá'a apyampé. Apxámok sa' énxet ey'áwak xép yaqwayam eltamhok epasmok.

Levítico 26:6

Agkések sa' ektaqmalma kélheykha m'a kélókxa, kólnaqtének sa' chá'a meyke ektemégweykmoho exma, hakte méko sa' ko'o atnéssesek aqsok nawha'ák éllo m'a kélókxa nak, tén han kempakhakma.

Salmos 127:2

Kaqhok óghaxchek nentamheykha tén han antók nento néghamaxche nak negwete, apkelmeyásegko enxoho chá'a Dios ma'a apkelásekhayókxa nak, neyseksa apnaqteyenma.

Ezequiel 34:15

Ko'o ahagko' sa' nahan atnehek séláneykha m'a nepkések seknaqtósso, ko'o ahagko' sa' nahan anaqlakxak allókassesagkok apkelyampe. Ko'o sekxeyenma xa, sektáha nak Wesse'.

Salmos 112:8

Megkatneykha apwáxok; megyekyek nahan, megkeyxek chá'a apkelányo yetlo apya'ásseyam ma'a apkelenmexma nak.

Proverbios 1:33

wánxa agkok ma'a énxet ektáha nak aptaqmelchessamo apháxenmo sekpeywa, tásek sa' katnehek apha, meyke apkeye xama aqsok ekmaso enxoho.”

Eclesiastés 5:12

Énxet ekha nak aptamheykha, ketsék eykhe chá'a etwok apto, awanhek essenhan chá'a katnehek, tásek eyke katnehek chá'a apteyenma; keñe m'a énxet ekxámokma nak aqsok apagkok, metyenek chá'a axta'a kaxének apwáxok aqsok apagkok.

2 Crónicas 20:30

Axta keñamak ektaqmalma ekteme meyke ektémakxa apteme wesse' apwányam ma'a Josafat, hakte Dios axta apméssók yaqwayam katnehek meyke ektáhakxa apkelwáxok ma'a apkelókxa ekhéyak nak nepyáwa'.

Salmos 3:6

Mehegwakkásak ko'o xa sẽlpextétamo apxámokma nak, sewakha'a nak ko'o apmako hektámegma'.

Salmos 91:5

Megyekyek sa' chá'a xama aqsok ekmaso ekweyktámho nak chá'a axta'a, tén han ma'a yágke kélhaxtaqpaga nak ekhem.

Proverbios 19:23

Kawegqohok negweynchámeykha m'a nenteme nak chá'a negáyo Wesse' egegkok; kapayhekxak chá'a egwáxok neyseksa negha, méko katnehek xama aqsok ekmaso nenlegeykegkoho.

Isaías 54:14

Keynnaqtések sa' xeyep ma'a ekpéwomo nak nentémakxa, kamaskok sa' kóltawasagkoho', kamaskok sa' nahan apkelmenaye, kamaskok sa' nahan kapekhaksek apwáxok ma'a apyegwakto nak.

Ezequiel 34:25

Alának sa' ko'o ekhémo mók sélpaqhetchásamáxkoho m'a, yaqwayam sa' kataqmelek apkelweynchámeykha. Wának sa' kamassegwók aqsok nawha'ák éllo m'a apkelókxa, yaqwayam sa' kataqmelek apkelleykha nepkések seknaqtósso m'a yókxexma eyáxñe nak tén han kataqmelek apnaqteyenma m'a naxma.

Ezequiel 34:27

Keyxek sa' ma'a yenta'a élaqnéyak nak yókxexma, katekkesek sa' aqsok ekyexna eknakxamáxche m'a xapop, tásek sa' katnehek apkelweynchámeykha xapop apagkok apagko' nak ma'a. Élyementamákxeyk sa' agkok ko'o énxet'ák ahagkok ma'a ektáha nak chá'a apkelásenneykha naqsa, elya'ásegwók sa' ko'o sektáha Wesse'.