Proverbios 3:14 - Biblia Enxet

¹⁴ hakte awanchek hempasmok xa, xámok agko' katnehek aqsok segwetasso, yeykhásseykmók ma'a sawo ekmope nak, tén han ma'a sawo ekyátekto ekmomnáwa nak.

Proverbios 3:14 Referans Kwoze

Proverbios 16:16

Tásek antegyek negya'ásegwayam aqsok, kaxnók ma'a sawo ekyátekto ekmomnáwa nak; tásek antegyek negya'ásegwayam, kaxnók ma'a sawo ekmope ekmomnáwa nak.

Proverbios 8:19

Tásók agko' ma'a aqsok sekmésso nak ko'o, kaxnók ma'a sawo ekyátekto ekmomnáwa ektaqmalma; tásók agko' ma'a aqsok séltennassama nak ko'o, megkaxnawok ma'a sawo ekmope kéltaqmelchessamo nak kélaxñáseykekxa'.

Salmos 119:111

Aqsok ahagkok meyke néxa ko'o m'a apchánamakxa nak antéhek, hakte cháxa sepeykessáseykekxa chá'a ko'o ewáxok ma'a.

Proverbios 2:4

ná elwátessem aqsa apketamso, etne sa' ma'a ektémól'a antegyaha sawo ekmope élyenma essenhan ma'a aqsok ekmomnáwa ekpowásamáxkoho nak.

Salmos 119:162

Kapeykásekxak chá'a ko'o ewáxok ma'a appeywa, máxa m'a énxet apweteykekxal'a ekxámokma aqsok élmomnáwa.

Salmos 119:72

Tásók agko' ko'o sélányo m'a nélxekmowásamáxche apagkok, megkaxnawok ma'a ekwánxa nak ekyókxoho m'a selyaqye nak keso náxop.

Eclesiastés 7:11

Tásek ma'a ekha nak negya'áseykegkoho aqsok, hempasmok chá'a negko'o negheykha nak keso náxop, negyepetchesa enxoho m'a aqsok ekxámokma nak nenxaweykekxa.