Proverbios 29:3 - Biblia Enxet

³ Epeykessásekxak chá'a apwáxok apyáp ma'a kélketche apya'áseykegkoho nak chá'a aqsok; keñe m'a apkelane nak chá'a kelán'ák ekyaqmagkáseyak pók énxet ektegye selyaqye, esawhohok chá'a etwasha m'a selyaqye apagkok.

Proverbios 29:3 Referans Kwoze

Proverbios 27:11

Hatte, etne apya'áseykegkoho aqsok, keñe sa' ko'o kapayhekxak ewáxok; tén sa' chá'a ewanchek wátegmowagkok ma'a énxet'ák ektáha nak chá'a setaqnaweykha.

Proverbios 15:20

Epeykessásekxak chá'a awáxok chána m'a kélketche apya'áseykegkoho nak aqsok; elwanyaha eyke chá'a chána m'a kélketche ekyeyháxma nak.

Proverbios 10:1

Salomón appeywa: Epeykessásekxak chá'a apwáxok apyáp ma'a kélketche apya'áseykegkoho nak aqsok; éntaxnésseshok eyke chá'a awáxok egken ma'a kélketche ekyeyháxma nak.

Proverbios 28:7

Kélketche apya'áseykegkoho aqsok ma'a apkelyeheykekxoho nak chá'a Dios segánamakxa apagkok. Emegqaksek eyke chá'a apyáp ma'a kélketche appaxqeykha nak chá'a élyeykhágweykmoho nak élmasagcha'a apkeltémakxa'.

Proverbios 6:26

Ekyánmaga eyke aqsa chá'a amenyeyk ma'a kelán'a ekyaqmagkáseyak nak pók énxet ektegye selyaqye, keñe m'a kelán'a apha nak atáwa', wánxa aqsa kaltamhok kategkesek ma'a énxet ektaqmalma nak aptémakxa'.

Proverbios 21:17

Meyke aqsok apagkok sa' etnehek ma'a énxet apkelane nak chá'a m'a ekyespagkamakxa nak chá'a apwáxok, apyá nak chá'a vino, keñe han apmopmenyého nak chá'a sokmátsa, metnehek sa' ekxákma aqsok apagkok.

Proverbios 28:19

Xámok katnehek apto m'a énxet ekha nak apkeneykekxa aqsok namyep apagkok; keñe m'a énxet apkelane nak chá'a aqsok megkamowána nak hempasmok, meyke aqsok apagkok katnehek.

Proverbios 23:15

Hatte, apwetágwokmek sa' agkok apya'ásegwayam aqsok, awanhek sa' ko'o katnehek ekpayheykekxa ewáxok;

Proverbios 21:20

Yetneyk aqsok éltaqmalma tén han sokmátsa apxagkok ma'a énxet apya'áseykegkoho nak aqsok, esáwak eyke chá'a aqsok apagkok ma'a énxet ekyeyháxma nak.