Proverbios 29:24 - Biblia Enxet

²⁴ Énxet apxegexma nak chá'a m'a apmenyexmo nak, apkenmexamakpekxoho apagko' chá'a etnehek, eñak eykhe aptaqnómap, mexének eyke aqsok apkelane.

Proverbios 29:24 Referans Kwoze

Levítico 5:1

“Yetneyk sa' agkok énxet kéláneyeykha yaqwayam exének ma'a aqsok apweteykegkoho nak, essenhan ma'a aplege nak, sa' agkok exénak, apkelanak mey'assáxma, kaphewakxak sa' apsexnánémap.

Proverbios 8:36

keñe m'a énxet ektáha nak sétnakhasso ko'o, cháxa aptawásekpoho apagko' xa; ¡apyókxoho ektáha nak chá'a setaqnagko ko'o, cháxa aptáha apchásekhayo m'a nétsapma!”

Isaías 1:23

Élyennaqte apkelwáxok ma'a kelwesse'e apkelwányam kélagkok nak, énxet'ák élmasagcha'a apkeltémakxa nahan ma'a apkelxegexma'a. Meltaqheksók nahan elxawagkok selyaqye m'a apyókxoho nak, etegyagkok nahan yaqwayam nak kólmésagkok aqsa chá'a m'a aqsok kelméyáséyak naqsa nak. Meltaqmelchessásekxeyk ekheykha m'a élyeheykha nak, megkalyetnakhaksók nahan apkelwáxok ektémakxa nak ekheykha m'a kelán'a xentampe'e nak.

Proverbios 15:32

Énxet megyaháxenmo nak kélpaqhetchesso, apsexnánémakpekxoho apagko' etnehek; keñe m'a apkelyeheykekxoho nak chá'a kélnokáseykha, étak apya'áseykegkoho aqsok.

Proverbios 6:32

¡Meyke ekxeyenma apwáxok aqsok ma'a énxet apkelánesso nak pók aptáwa'! ¡Apsexnánémap apagko' etnehek énxet apteme enxoho xa ektáha nak!

Jueces 17:2

aptáhak axta apcháneya egken se'e: —Ekleg'ak axta ko'o kélmenyexchesa mil cien sawok selyaqye aktek élmope, tén han ekyemnéncha'a m'a ektáha nak apmenyexma, ko'o ekmáha xa selyaqye nak. Ko'o axta ekmenyexchásak; almeyásekxak sa' eyke makham, hakte ekleg'ak xeyk ko'o ekxéna ekpagkanchesso Wesse' egegkok, yaqwayam kának kalanaxchek xama aqsok kéleykmássesso kélyepetchesso nak émpehek sawo ekmope ekmomnáwa. Apkelmeyásekxeyk axta makham ma'a selyaqye. Tén axta egken ektáha s'e: —¡Wesse' egegkok sa' epasmok, hatte seyásekhayo!

Proverbios 20:2

Máxa yámakméwa ekpáweykha awáxok la'a etnehek aplawa enxoho xama wesse' apwányam; énxet aplókasso enxoho m'a, megkatnehek megyetsapma.

1 Samuel 20:2

Axta aptáhak Jonatán apchátegmowágko: —¡Megyohok sa' Dios emátog xép! Kaxén apwáxok megkatnehek chá'a ko'o meheltennasso táta ekyókxoho aptáhakxa enxoho chá'a, megkeyxek ma'a aqsok mékoho nak. ¡Mekpósek chá'a aqsok nahaqtók ko'o m'a táta! ¡Mopwanchek etnehek!