17 Elxekmósak chá'a apketche, tén sa' tásek chá'a katnehek apha, epeykessásekxak sa' chá'a apwáxok.
Hegya'assásegwók chá'a exma m'a sẽlyekpexcheteykha nak, tén han sẽlnókáseykha nak, emegqaksek eyke chá'a egken ma'a kélketche kélhayo nak aqsa chá'a aptáhakxa.
Megyásekhe apketche énxet ma'a menókaseykha nak chá'a aptáhakxa; apchásekhayo apketche énxet ma'a apnókáseykha nak chá'a aptáhakxa.
Salomón appeywa: Epeykessásekxak chá'a apwáxok apyáp ma'a kélketche apya'áseykegkoho nak aqsok; éntaxnésseshok eyke chá'a awáxok egken ma'a kélketche ekyeyháxma nak.
Aptémakxa apagko' chá'a apketkók ma'a élyeyháxma nak, kamaskok eyke chá'a kélnókásencha'a enxoho yetlo kélyekpexcheteykha.
Elyentamakpoho chá'a elxekmósagkok apketche aptáhakxa enxoho makham apketchetse', ná eyeykhássamo aplegassáseykegkoho, yaqhek katnehek.