Proverbios 29:14 - Biblia Enxet

¹⁴ Kawegqohok sa' chá'a apteme wesse' apwányam ma'a apkeláneykha nak chá'a énxet'ák meyke nak aqsok apagkok, yetlo mekxeykha.

Proverbios 29:14 Referans Kwoze

Proverbios 16:12

Eltaqnawhok kelwesse'e apkelwányam ma'a nentémakxa ekmaso nak, hakte ekpéwomo nenlanekxésso amya'a énxet'ák ekyennaqtésso m'a aptémakxa nak wesse' apwányam.

Isaías 11:4

Elyekpelkohok sa' chá'a yetlo ekpéwomo apkelánéseykekxa amya'a m'a énxet'ák apkelyelqamákpoho nak, emyókasek sa' nahan chá'a ektémakxa nak apheykha m'a énxet'ák meyke nak aqsok apagkok ma'a apchókxa. Máxa yámet sa' katnehek ma'a appeywa, yaqwayam sa' kallegássesagkohok ma'a énxet'ák apkelyennaqteyáseykha nak apyempe'ék, xama apwátekhapma sa' etnehek elnápok ma'a énxet'ák élmasagcha'a nak apkeltémakxa.

Proverbios 29:4

Wesse' apwányam apkelánekxésso nak chá'a ektaqmalma apheykha apnámakkok, exátekhaksek chá'a apchókxa'; yetsagkasek eyke chá'a m'a apkelmomo nak chá'a selyaqye apnegkenéyak ma'a énxet'ák nak.

Proverbios 20:28

Megkamassegwomek chá'a apteme wesse' apwányam aptémakxa nak chá'a wesse' apwányam, apkelánesa enxoho chá'a ektaqmalma apheykha énxet'ák, yetlo apkelásekhayo, tén han ekmámnaqso'.

Proverbios 28:16

Éntaxnéssesagkok chá'a ektémakxa ekmaso apheykha énxet'ák ma'a apkemha apmonye' mey'áseyak nak aqsok; ahóxek eyke katnehek apweynchámeykha m'a énxet megkaleklo nak apwáxok eyeykhasakpohok apwete aqsok apagkok.

Proverbios 25:5

nentekkessek agkok xama énxet ekmaso aptémakxa aptamheykha nak ma'a aphakxa nak wesse' apwányam, keñe keytek chá'a apkelánekxésso ektaqmalma apheykha énxet'ák ma'a aptémakxa nak wesse' apwányam.

Salmos 89:2

Axének sa' chá'a ko'o megkamassegwayam segásekhayo; tén han megkayaqmagkasseyam mók ma'a ektémakxa mehenyenyaweykha, megkayaqmagkasseyam mók ektéma nak ma'a néten.

Daniel 4:27

Etne sa' se'e séltamhókxa nak etnehek, wesse': etne chá'a ekpéwomo aptémakxa, ná elána kaxwók mey'assáxma; elwatés aptémakxa ekmaso, epásem sa' ma'a apkelmopyóseka nak. Lapmaxcheyk sa' kexa eweynchamha chá'a meyke ektáhakxa aptáha enxoho xa ektáha nak, wesse', tén han katnahagkok chá'a ektaqmalma apweynchámeykha.’”

Jeremías 22:16

Etaqmelchessásekxak axta chá'a apheykha m'a meyke nak aqsok apagkok, tén han ma'a kélnaqtawáseykegkoho nak, axta keñamak ektaqmalma chá'a aqsok apkelane. Cháxa magkenatchesso ektáha ko'o sey'áseyak xa. Ko'o sekxeyenma xa, sektáha nak Wesse'.

Jeremías 5:28

tén han apnaqmelaya tén han ektaqmalma aptéyak. Méko néxa m'a apkeltémakxa ekmaso: melánekxések chá'a amya'a yaqwayam etaqmelchessásekxak ekheykha m'a élyéheykha nak, melanók han chá'a ektémakxa nak apheykha m'a meyke nak aqsok apagkok.

Isaías 1:17

¡Kóltámesaxche kéllánéyak aqsok ektaqmela, kólwasqápekxoho kóllának ma'a aqsok ekpéwomo nak, kólpásem ma'a énxet'ák kélnaqtawáseykegkoho nak, kóltaqmelchessásekxa ekheykha m'a élyeheykha nak, kólmeyókas nahan ektémakxa nak chá'a ekha m'a kelán'a tampe nak!”