Proverbios 29:10 - Biblia Enxet

¹⁰ Énxet apchaqhe nak chá'a pók, tén han élmasagcha'a nak apkeltémakxa', etaqnawhok apagko' ma'a énxet meyke nak aptémakxa'.

Proverbios 29:10 Referans Kwoze

2 Crónicas 18:7

Apchátegmowágkek axta wesse' apwányam Israel ma'a Josafat: —Apheyk makham xama, negmowána agásenneykxak elmaxneyha m'a Wesse' egegkok, apwesey nak Micaías, Imlá apketche. Ataqnawhok eyke ko'o m'a, hakte mehéltennassók makham aqsok ektaqmela, ekmaso aqsa chá'a. Apchátegmowágkek axta eyke m'a Josafat: —Ná etne aqsa appeywa xa.

1 Reyes 22:8

Apchátegmowágkek axta wesse' apwányam Israel ma'a Josafat: —Apheyk makham xama, negmowána agásenneykxak elmaxneyha m'a Wesse' egegkok, apwesey nak Micaías, Imlá apketche. Ataqnawhok eyke ko'o m'a, hakte mehéltennassók makham aqsok ektaqmela, aqsok ekmaso aqsa chá'a héltennaksek. Apchátegmowágkek axta eyke m'a Josafat: —Ná etne aqsa appeywa xa.

1 Reyes 21:20

Apchátegmowágkek axta Ahab ma'a Elías: —¿Sénmexma, éteyákxéya makham xép? —Ekwetákxe' neykhe —axta aptáhak apchátegmowágko Elías—. Aqsok ekmaso aqsa chá'a exchep elának nápaqtók Wesse' egegkok.

1 Samuel 15:11

—Chaqhegkek ewáxok sekteméssessama wesse' apwányam ma'a Saúl, hakte eyamasmeyk ko'o, melaneyk han ma'a séltémókxa axta etnehek. Yetnakhassamók agko' axta apwáxok Samuel, yókxoho axta'a axta apkelmaxnagko Wesse' egegkok.

Jeremías 18:20

¿Kólyaqmagkásekxohoya chá'a aqsok ekmaso m'a aqsok ektaqmela nak? ¡Apmetmeyk máxek yaqwayam heyátawanyek! Kaxénwakxoho apwáxok sekpaqhetchessa'akto axta exchep, séltamho epasmok xa énxet'ák nak, séltamho axta exchep elwataksek apkeltaqnawéyak ma'a.

Salmos 59:2

Hewagkas teyp nepyeseksa énxet'ák élmasagcha'a nak apkeltémakxa, nágyoho ko'o heyaqhek ma'a ekyetno nak chá'a apkelyógkexma',

Proverbios 29:9

Apkelátegmoweykpek agkok énxet apya'áseykegkoho aqsok ma'a énxet ekyeyháxma nak, elwok aqsa m'a, yesmaksek han chá'a, mey'asagkehek chá'a yaqwánxa etnéssesek.

Proverbios 29:27

Eltaqnaweygkohok meyke nak apkeltémakxa m'a élmasagcha'a nak apkeltémakxa', keñe élmasagcha'a nak apkeltémakxa eltaqnaweygkohok ma'a meyke nak apkeltémakxa'.

Proverbios 13:19

Ekpayheykekxa egwáxok chá'a hegmések ma'a ektepa enxoho aqsok negmámenyého. Mopwanchek eyke eyenyekxak aqsok ekmaso m'a élyeyháxma nak.

Jeremías 38:7

Apleg'ak axta amya'a kélaqxegkesa kañe' yámelchet Jeremías ma'a xama etiope apwesey axta Ébed-mélec, énxet aptamheykha axta chá'a m'a wesse' apwányam apxagkok. Chaqhawók axta nahan aphakxa wesse' apwányam ma'a apchaqnákxexa axta énxet'ák ma'a ekwesey nak Átog Benjamín.

Jeremías 38:13

Apkékessek axta táma m'a énxet'ák, aptekkessek axta m'a. Tén axta Jeremías aphákxo makham ma'a kañe' kélhaxtegkesso nak wesse' apwányam apxagkok.