Proverbios 28:9 - Biblia Enxet

⁹ Agkok emakók kélxama elyahakxohok ma'a Dios segánamakxa apagkok, memek sa' nahan takha' nempeywa nélmaxnagko apagkok ma'a Dios.

Proverbios 28:9 Referans Kwoze

Salmos 66:18

Asagkek axta agkok ko'o élchetamso ewáxok, meheyéxók axta m'a Wesse' egegkok;

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Salmos 109:7

elxénakpok sa' chá'a apsexnánémap ma'a kélyekpelchémokxa nak chá'a; magya'assáxma sa' kóltemessásekxak ma'a apkelmaxneyéyak nak.

Proverbios 21:13

Énxet melyeheykekxa nak eltamhok epasmok ma'a meyke nak aqsok apagkok, méko sa' nahan keyxhok apkeltamho sa' nahan kólpasmok xa énxet nak.

Proverbios 10:3

Megyohók Wesse' egegkok kaqhek meyk ma'a énxet ekpéwomo nak aptémakxa', megyohok eyke chá'a étak aqsok apkepmenyéxa enxoho chá'a m'a ekmaso nak aptémakxa'.

Proverbios 21:27

Eltaqnawásseshok Wesse' egegkok aqsok apkelmésso naqsa m'a énxet'ák élmasagcha'a nak apkeltémakxa', hakte yetlo ekmaso élchetámeykha apkelwáxok chá'a elmések.

Isaías 41:24

¡Mékoho kélancha'awók eyke kéxegke, megkólwanchek kóllának ma'a aqsok! Eltaqnaweykpohok apagko' nahan chá'a m'a ektáha nak chá'a apkelpeykessamo kéxegke.

Salmos 94:20

Mopwanchek xép etnehek apkelxegexma'a énxet'ák segyekpelchémo megkapéwomo nak chá'a apkeltémakxa, ekmaso nak chá'a apkeltamheykha, apyetnakhasso nak chá'a segánamakxa;

Jeremías 14:12

Metawagkehek sa' eykhe aptéyak, magweyxók sa' eyke ko'o m'a apkelmaxneyéyak; xámók sa' eykhe katnehek sélseykentegkesso m'a aqsok apkelwatno, tén han ma'a sélmésso naqsa nak chá'a aqsok ekyexna kélcheneykekxa, megkalchek sa' eyke ko'o ewáxok alano'. Amasséssók sa' wahak kempakhakma, meyk, tén han negmasse ekmaso.”