Proverbios 28:27 - Biblia Enxet

²⁷ Méko katnehek eyeyméxchexa aqsok apagkok ma'a énxet appasmo nak chá'a m'a meyke nak aqsok apagkok; keñe sa' ma'a memáheyo nak chá'a epasmok, etaqnaweykpohok apagko' sa' chá'a.

Proverbios 28:27 Referans Kwoze

Proverbios 19:17

Negmésso aqsok apmeykha naqsa m'a énxet meyke nak aqsok apagkok, cháxa negmésa han Wesse' egegkok ma'a aqsok negmésso naqsa, Wesse' egegkok sa' han eyaqmagkásekxak mók aqsok ektaqmela nenlane.

Proverbios 11:24

Yetneyk chá'a énxet memyágweykekxa nak chá'a aqsok apagkok apkelxaweykekxoho aqsok, yetneyk han énxet apmasma nak chá'a aqsok apagkok, meyke aqsok apagkok etnekxa'.

Deuteronomio 15:7

“Yetneyk sa' agkok énxet meyke aqsok apagkok apha nepyeseksa m'a apchókxa xamo', cham'a pók xam'a nak tegma apkelyawe apagkok apméssamakxa axta m'a Dios Wesse' apagkok, ná etne aqsa chá'a melányo, egkes sa' chá'a aqsok apagkok ma'a apchókxa xamo' ekyetnakxa nak chá'a eyeyméxchexa aqsok ma'a aphakxa;

Deuteronomio 15:10

Kéméxcheyk epasmok chá'a, meyke apyetlókasso eklo apwáxok, hakte aptemék sa' agkok xép xa ektáha nak, etaqmelchessesek sa' chá'a ekteyapma Dios Wesse' apagkok ma'a ekyókxoho aqsok apkelanakxa enxoho chá'a, tén han ma'a apcheynókxa enxoho chá'a apkelane.

Proverbios 22:9

Dios sa' epasmok ma'a énxet ektaqmeleykha nak chá'a apwáxok elanok apnámakkok, eñama apkelmésso chá'a aptéyak ma'a énxet'ák meyke nak aqsok apagkok.

Proverbios 11:26

Kólyemnaha chá'a m'a énxet apmasma nak chá'a hótáhap apaktek; keñe m'a apkexeykekxa nak chá'a, tásek chá'a katnehek apxénamap.

Isaías 1:15

Kélya'ássek agkok chá'a kéxegke kélmék néten kóltéhek nempeywa nélmaxnagko, malanók chá'a ko'o kéxegke; kólxámaksohok eykhe nahan kélteme nempeywa nélmaxnagko, mañék eyke ko'o. Keltexnémáxcheyk éma kélmék ekyetno kélyógkexma.

Proverbios 24:24

Énxet apxeyenma nak meyke aptémakxa m'a apsexnánémap nak, etaqnók ma'a énxet'ák, elya'ássók ma'a apyókxoho énxet'ák;

Proverbios 28:28

Apkelmeyk agkok apkeltamheykha m'a élmasagcha'a nak apkeltémakxa', elyexanmok chá'a m'a énxet'ák nak; temégwokmek agkok néxa apkeltamheykha, exámekxak chá'a m'a énxet'ák apkelpéwomo.

Proverbios 11:25

Kaxámagkok chá'a aqsok apagkok ma'a énxet memasma nak chá'a aqsok apagkok; exkak nahan chá'a aqsok ma'a énxet apméssamo nak chá'a aqsok pók.