Proverbios 28:25 - Biblia Enxet

²⁵ Etekkesek chá'a apkelenmexamap ma'a énxet apmopmenyého nak chá'a étak aqsok apagkok; kaxámagkok eyke aqsok apagkok ma'a énxet apteme nak chá'a apcháyo Wesse' egegkok.

Proverbios 28:25 Referans Kwoze

Proverbios 11:25

Kaxámagkok chá'a aqsok apagkok ma'a énxet memasma nak chá'a aqsok apagkok; exkak nahan chá'a aqsok ma'a énxet apméssamo nak chá'a aqsok pók.

Proverbios 13:10

Nélenmexamaxche aqsa katekkesek ma'a eyeymáxko nak egwáxok, keñe m'a megkaleymáxkoho nak chá'a apkelwáxok, elmok chá'a takha' m'a ektémakxa kélpaqhetcháseykha.

Proverbios 13:4

Apmenyeyk eykhe katnehek aqsok apagkok ma'a énxet apháxamákpoho nak chá'a etneykha, métyehek eyke; xámok eyke katnehek aqsok apagkok ma'a énxet ekha nak aptamheykha.

Proverbios 10:12

Katekkeshok nélenmexamaxche m'a eklo nak chá'a egwáxok, keñe eyke m'a nélásekhamaxkoho nak, kamasseksek chá'a ekyókxoho aqsok ekmaso nenlane.

Proverbios 29:25

Asagkek ageyk ma'a énxet'ák, yetneyk eyke katnehek apmeyámap ma'a énxet apteme nak apcháyo Wesse' egegkok.

Proverbios 29:22

Etekkesek chá'a apkelenmexamap ma'a énxet apyennaqteyáseykha nak chá'a apyempehek, xámok han chá'a katnehek megyaqhémo aptáhakxa m'a ekmanyehe nak elwok.

Proverbios 22:10

Kéltekkessek agkok ma'a énxet megkeyxnegwayam nak chá'a appeywa, kamaskok ma'a nélenmexamaxche', nélyamatchásamáxche', nénlókáseyak egmók.

Proverbios 21:24

Énxet apkeltémo nak chá'a kóllanha tén han eyeymáxkoho apwáxok, ekyenneykha appeywa chá'a eltamhakpok ma'a énxet apkeltémo nak chá'a kóllanha aptáhakxa.

Proverbios 15:30

Kapayhekxak chá'a egwáxok negwet'a enxoho eyátsencha'a nápat egmók; kallókashok chá'a egyempehek nenleg'a enxoho m'a amya'a ektaqmalma.

Proverbios 15:18

Etekkesek chá'a éllámaxche m'a énxet ekmanyehe nak chá'a elwok; emasseksek eyke chá'a m'a énxet mepekhésamap nak chá'a elwok.

Salmos 84:12

Wesse', ekha nak apyennaqte, ¡apkeleñémo apcháyo nak chá'a exchep!

Isaías 58:11

Anaqlawha sa' chá'a ko'o yókxoho ekhem, almések sa' ekxámokma kéltéyak ma'a yókxexma meykexa nak énxet, almések sa' élyennaqte kélyempe'ék, máxa sa' kóltéhek ma'a namyep étkok ektaqmalmal'a kélexpaqhe yegmen, ektémól'a m'a ekteyapmakxal'a yegmen megkeymayél'a.

Proverbios 10:3

Megyohók Wesse' egegkok kaqhek meyk ma'a énxet ekpéwomo nak aptémakxa', megyohok eyke chá'a étak aqsok apkepmenyéxa enxoho chá'a m'a ekmaso nak aptémakxa'.

Proverbios 15:27

Énxet ekyeykhágweykmoho nak apmopmenyého exámasagkok aqsok apagkok, enaqtawásekxohok apagkok chá'a m'a ekheykha nak apxagkok, keñe m'a aptaqhessamo nak selyaqye apxawe yaqwayam mexének ektemegweykmoho exma', eweynchamha sa' makham.