Proverbios 28:15 - Biblia Enxet

¹⁵ Énxet ekmaso aptémakxa apteme nak apkemha apmonye' nepyeseksa énxet'ák meyke aqsok apagkok, aphawók ma'a yámakméwa ekyexwéweykhal'a essenhan ma'a aqsok nawhak eklo nak.

Proverbios 28:15 Referans Kwoze

Proverbios 20:2

Máxa yámakméwa ekpáweykha awáxok la'a etnehek aplawa enxoho xama wesse' apwányam; énxet aplókasso enxoho m'a, megkatnehek megyetsapma.

Proverbios 19:12

Máxa yámakméwa ekpáweykha awáxok la'a etnehek aplawa enxoho m'a wesse' apwányam, máxa eyke yálye élyássessól'a pa'at ma'a ektaqmeleyncha'a enxoho apwáxok henlano'.

2 Reyes 21:16

Háwe axta ekwánxa agkok apkelánéseykegko melya'assáxma Manasés ma'a énxet'ák Judá, tén han aqsok ekmaso apkelánéyak nápaqtók Wesse' egegkok. Apkelnapmeyk axta han apxámokma apagko' énxet meyke apkeltémakxa m'a Jerusalén, sawheykekxók axta éma apagkok ma'a kañe' nak.

Éxodo 1:22

Tén axta faraón aptáha apkeláneya apyókxoho apkeláneykha s'e: “Kólchexa sa' wátsam ma'a apyókxoho hebreo wokma'ák apketkók nak, keñe sa' ma'a kelwán'ák étkók nak, kólho sa' aqsa kalweynchamha.”

Oseas 13:8

Alanyexagkok sa' ko'o, ektémól'a óso élxegányam la'a étkók, nekha'a étkók sa' atnéssesek apnénya'ák. Sa' asawhohok ko'o m'a ektémól'a méwa katwok ekyógkexma', alekkexek sa' ektémól'a aqsok nawhak eklo.

Oseas 5:11

Mékoho kélteméssessók ma'a énxet'ák nak Efraín, massegkek kélháxenmo m'a ektémakxa nak chá'a ekpayhémo ekha xapop apagkok, hakte apmenyeyk chá'a elyetlakxak ma'a aqsok kéláyókxa élmowancha'a amya'a nak.

Proverbios 17:12

Tásek antahañak aqsok nawhak eklo kéllókasso kélmenyexchesso étkók, kaxnók antahañak énxet ekyeyháxma neyseksa apkelane aqsok ekmaso.

2 Reyes 15:16

Tén axta Menahem apmasséssekmo m'a tegma apwányam nak Tífsah, apsawhawók axta apkelma ekyókxoho aqsok ekhéyak axta m'a, tén han ma'a xapop agkok nak, eyeynamókxa m'a Tirsá, keñe axta apkelpáxqatchásegko han chá'a awokma'ák ma'a ekyókxoho kelán'ák lós'awo'. Aptemék axta xa ektáha nak, hakte axta kólmeykessásegkok átog ma'a tegma apwányam nak.

2 Reyes 2:24

Appeynchamakpók axta neptámen Eliseo apkelányo m'a wokma'ák nak, keñe apkeltémo kaltemégwomhok exma yetlo apxeyenma apwesey Wesse' egegkok. Yetlómok axta élánteyapma ánet aqsok nawha'ák éllo m'a naxma nak, keñe ektemessáseykegko nápakha'a apketkók ma'a cuarenta y dos wokma'ák nak.

Proverbios 29:2

Apxámákxeyk agkok ma'a énxet'ák élpéwomo nak apkeltémakxa, kalpayhekxak apkelwáxok ma'a énxet'ák nak; aptamhágkek agkok apkelámha apmonye'e m'a élmasagcha'a nak apkeltémakxa, ellegagkohok chá'a énxet'ák.

Éxodo 1:13

Apkeltemessáseykha axta chá'a egipcios ma'a israelitas ekyetlómo apnaqtawáseykegkoho.

Isaías 14:5

Apmasséssessek Wesse' egegkok ektémakxa nak apkelyennaqte m'a énxet'ák élmasagcha'a nak apkeltémakxa, apkelekkexchásekxeyk yámet apmeykha nak chá'a m'a wesse' aplo,

Isaías 14:6

apkellegassáseykegkoho nak chá'a énxet'ák yetlo aplo apkeltekpageykencha'a nak chá'a meyke néxa, apkelteyammeykencha'a nak chá'a énxet'ák yetlo aplo, apmenxeneykencha'a nak chá'a meyke apkelmopyósa apkelányo.

Sofonías 3:3

Máxa yámakméwa m'a apkelámha apmonye'e apagkok élpáweykhal'a awáxok; máxa aqsok nawha'ák éllo élleykhal'a meykexa énxet ma'a segyekpelchémo apagkok nak, megkáyam la'a ketsék axchapok yaqwayam katwok ma'a saka.