Proverbios 28:10 - Biblia Enxet

¹⁰ Énxet apnaqleykekxa nak ámay ekmaso m'a énxet'ák éltaqmalma nak apkeltémakxa', kamekxohok sa' agkok ma'a kelhanma apagkok nak; keñe sa' elxawagkok aqsok éltaqmalma m'a énxet'ák meyke nak aqsok ekmaso apkeláneyak.

Proverbios 28:10 Referans Kwoze

Proverbios 26:27

Énxet apmeta nak chá'a máxek, etyemekxohok apagko' chá'a kañe'; énxet apyeygéyak nak chá'a xama meteymog ekyaqye, kápekxohok agko' chá'a.

Proverbios 15:6

Xámok agko' katnehek aqsok apxagkok ma'a énxet meyke nak aptémakxa', keñe m'a énxet ekyeyháxma nak, megkapasmehek chá'a m'a aqsok apwete nak.

Eclesiastés 10:8

Énxet apmeta nak máxek, etyemekxohok chá'a apagko'. Énxet appáxqatma nak tegma kélhaxtegkesso, yéwa chá'a katakxek.

Proverbios 21:20

Yetneyk aqsok éltaqmalma tén han sokmátsa apxagkok ma'a énxet apya'áseykegkoho nak aqsok, esáwak eyke chá'a aqsok apagkok ma'a énxet ekyeyháxma nak.

Proverbios 10:3

Megyohók Wesse' egegkok kaqhek meyk ma'a énxet ekpéwomo nak aptémakxa', megyohok eyke chá'a étak aqsok apkepmenyéxa enxoho chá'a m'a ekmaso nak aptémakxa'.

Salmos 37:11

Sa' eyke elxewekxak xapop ma'a megkaleymáxkoho nak apkelwáxok, awanhók agko' sa' katnehek meyke ektáhakxa apheykha.

Salmos 9:15

Epallekxohok chá'a apagkok máxek apkelmeta m'a melya'áseyak nak Dios, kalpextétekxohok chá'a agkok apmagkok ma'a yám'én aptegyésso apagko' nak.

1 Samuel 26:19

Éltamhók ko'o yeyxhok sekpeywa, wesse', sektáha nak apkeláneykha: Wesse' egegkok sa' agkok sénmexcháseykekxa ko'o exchep, wesse', emok sa' takha' aqsok apmésso naqsa; énxet sa' agkok ma'a, Wesse' egegkok sa' eltaqnaweygkok. Hakte etekkessegkek ko'o s'e yókxexma nak, ektáha nak apagkok ma'a Wesse' egegkok, eyáteyeykegkok alpeykeshok ma'a mók aqsok kéláyókxa nak.

Salmos 57:6

Epekkenchessegkek ko'o emonye' kelhanma m'a sélenmexma nak, yaqwayam enxoho heyelaqtések; emétegkessegkek máxek ámay ahagkok, appalleykekxók apagko' eyke m'a máxek apagkok nak.

Salmos 139:24

hélano, yetneyk kexa may'assáxma, hey'ásekxa m'a ámay megkatnégwayam néxa nak.

Proverbios 2:21

Hakte cham'a énxet'ák élpéwomo nak apkeltémakxa', tén han ma'a meyke nak ekmaso apkeltémakxa'; elweynchamha sa' makham keso náxop;

Proverbios 28:18

Ewagkasakpok sa' teyp ma'a énxet meyke aptémakxa', aqsok ekmaso sa' eyke káhapwak ma'a énxet ekmaso nak aptémakxa'.