Proverbios 27:8 - Biblia Enxet

⁸ Énxet apweynchámeykha nak makhawók megkatnahakxa apchókxa', aphawók ma'a ektémól'a náta ekweynchámeykhal'a makhawók ekyetnamakxa m'a axagkok.

Proverbios 27:8 Referans Kwoze

Isaías 16:2

Máxa náta élyegwakto, éxakhál'a aqsa axanák aptamheykegkok apkelyeykheykekxoho wátsam Arnón ma'a énxet'ák apheykha nak Moab.

Proverbios 21:16

Énxet apkelwátesseyam nak chá'a apteme ekha élchetámeykha apwáxok, emhagkok sa' ma'a apkelmaheykegkaxa nak chá'a apkeletsapma.

Jonás 1:3

Axta eyke elyahákxohok Jonás, xénchek axta aqsa apwáxok éxánegkesek Wesse' egegkok, tén axta apmahágko m'a ekhágweyktamxa axta chá'a yántakpayhe tegma apwányam Jope. Apwetágwokmek axta xama yántakpayhe ketók ekteyapmakxa ekmako kamhagkok ma'a Tarsis; apyánmagkassek axta apchánta apmako emhagkok ma'a.

1 Reyes 19:9

Xama axta apwokmo m'a, keñe aptaxnegwokmo kañe' meteymog áxwa, axta apténak axta'a m'a. Appaqhetchessek axta eyke Wesse' egegkok ma'a, aptáhak axta apcháneya: “Elías, ¿yaqsa apkelana s'e?”

1 Samuel 22:5

Tén axta m'a Gad, apteme axta Dios appeywa aplegasso, aptáha apcháneya David se'e: —Ná exa aqsa chá'a s'e tegma apyennaqte nak. Exeg, emyekxa sa' ma'a yókxexma Judá. Yetlókok axta han apxega m'a David, apwokmek axta han ma'a naxma nak Héret.

Proverbios 26:2

Sẽlyemneykha ekmaso meykexho aqsok sensexnenagko, megkáhapwék ma'a ektáha nak chá'a kélyemneykha, máxa m'a kesña'ay apxegányam la'a, tén han ma'a ektémól'a yeptameygmen meyke nak axagkok.

Génesis 4:16

Aptekkek axta Caín xa yókxexma nak, appaqhetchesakxa axta Wesse' egegkok, aphakmek axta m'a yókxexma Nod, ekpayho nak ekteyapmakxa ekhem teyp Edén.

Génesis 21:14

Keñe axta mók ekhem, axto'ók agko' axta apkelmésa Agar kelpasmaga m'a Abraham, tén han xama yempehek yetlo yegmen; apkelpátegkessek axta, apmeyásekxeyk axta m'a sakcha'a Ismael, tén axta apkeláphasa. Xegkek axta m'a, weynchámeykha axta aqsa han ma'a yókxexma meykexa nak énxet Beerseba.

Proverbios 27:7

Kammohok aptaqnagko etwok yányawhéna' apyegmenek ma'a énxet apyaqkáneykmoho nak chá'a; keñe m'a meyk áto nak, kammohok ekmátsa etwok ma'a aqsok ekmáske nak.

1 Reyes 11:22

Apchátegmowágkek axta faraón: —¿Yaqsa ektáha apmako nak emyekxak apchókxa? ¿Yetneyk enxeykel'a aqsok eyeyméxchexa exchep se'e sekhakxa nak? Apchátegmowágkek axta Hadad: —Méko aqsok eyeyméxchexa ko'o s'e, wánxa eyke aqsa séltamho ko'o heyhok amyekxak ma'a séñémekxa axta.