Proverbios 27:11 - Biblia Enxet

¹¹ Hatte, etne apya'áseykegkoho aqsok, keñe sa' ko'o kapayhekxak ewáxok; tén sa' chá'a ewanchek wátegmowagkok ma'a énxet'ák ektáha nak chá'a setaqnaweykha.

Proverbios 27:11 Referans Kwoze

Proverbios 10:1

Salomón appeywa: Epeykessásekxak chá'a apwáxok apyáp ma'a kélketche apya'áseykegkoho nak aqsok; éntaxnésseshok eyke chá'a awáxok egken ma'a kélketche ekyeyháxma nak.

Salmos 119:42

Keñe sa' ewanchek wátegmowagkokxak ma'a setaqnagko nak chá'a, hakte may'ásseykmok ko'o exchep appeywa.

Proverbios 29:3

Epeykessásekxak chá'a apwáxok apyáp ma'a kélketche apya'áseykegkoho nak chá'a aqsok; keñe m'a apkelane nak chá'a kelán'ák ekyaqmagkáseyak pók énxet ektegye selyaqye, esawhohok chá'a etwasha m'a selyaqye apagkok.

Proverbios 15:20

Epeykessásekxak chá'a awáxok chána m'a kélketche apya'áseykegkoho nak aqsok; elwanyaha eyke chá'a chána m'a kélketche ekyeyháxma nak.

Salmos 2:10

Kelwesse'e apkelwányam, tén han apkelámha apmonye'e nak keso náxop, kóltaqmelchesho kélháxenmo s'e, ¡kalestegák se'e, kóláwho han!

Proverbios 26:16

Yának chá'a etnahak apya'áseykegkoho aqsok ma'a énxet apháxamákpoho nak chá'a etneykha, yának chá'a eyeykhássekmohok ma'a siete énxet apchaqhémo nak chá'a yátegmowagkok amya'a.

Proverbios 27:12

Étak chá'a aqsok ekmaso m'a énxet ekha nak chá'a élchetámeykha apwáxok, keñe étnakhaksek chá'a; keñe m'a meyke nak chá'a élchetámeykha apwáxok, exog aqsa, keñe eñegkohok chá'a ektemégweykmoho exma ekmaso.