Proverbios 26:2 - Biblia Enxet

² Sẽlyemneykha ekmaso meykexho aqsok sensexnenagko, megkáhapwék ma'a ektáha nak chá'a kélyemneykha, máxa m'a kesña'ay apxegányam la'a, tén han ma'a ektémól'a yeptameygmen meyke nak axagkok.

Proverbios 26:2 Referans Kwoze

Números 23:8

¿Háxko atnehek ko'o altamhok kaltemégwomhok exma ekmaso m'a meltémo nak kasók apheykha m'a Dios? ¿Háxko atnehek ko'o wámenyéhok kasók apheykha m'a énxet'ák, metnéssesso nak ekmaso apheykha m'a Wesse' egegkok?

Salmos 109:28

Eltamhok sa' eykhe chá'a hetnégwomhok exma ekmaso, méko katnehek, hakte etaqmelchessegkek chá'a exchep. Elmegqágwakxak sa' ma'a apyókxoho nak, keñe sa' ko'o sektáha nak xép apkeláneykha kapayhekxak ewáxok.

Nehemías 13:2

(Hakte axta elanyexeykegkok elmok takha' israelitas elsókasek ma'a aptéyak, tén han apyenéyak, apyánmagkassegkek axta aqsa apkeltémo elteméssessamhok exma ekmaso m'a Balaam. Aqsok ektaqmela axta eyke aptemessáseykekxak Dios ma'a aqsok ekmaso apkeltémókxa axta etnéssesek.)

2 Samuel 16:12

Lapmaxcheyk sa' heyáphássesek aqsok ektaqmela Wesse' egegkok apleg'a enxoho ektémakxa ekyentaxno ewáxok, ekyaqmagkasso m'a sélyemneykha sekleg'a nak sakhem.

1 Samuel 17:43

axta aqsa aptáhak apcháneya s'e: —¿Semhegya ko'o eyeneyk apsókmo nak yámet yaqwayam hetekpog? Yetlókok axta han apyemneykha Goliat ma'a David, yetlo apxeyenma ekwesey m'a aqsok apcháyókxa'.

Proverbios 27:8

Énxet apweynchámeykha nak makhawók megkatnahakxa apchókxa', aphawók ma'a ektémól'a náta ekweynchámeykhal'a makhawók ekyetnamakxa m'a axagkok.

Isaías 16:2

Máxa náta élyegwakto, éxakhál'a aqsa axanák aptamheykegkok apkelyeykheykekxoho wátsam Arnón ma'a énxet'ák apheykha nak Moab.

2 Samuel 16:8

¡Wesse' egegkok aplegassásegkohok xép ekyaqmageykekxa m'a ekyókxoho aqsok ekmaso apkelane, apteméssessamakxa m'a Saúl apnámakkok, yaqwayam eyaqmagkasek apteme wesse' apwányam! ¡Absalón kaxwók apmeyásekxak Wesse' egegkok ma'a aptémakxa nak wesse' apwányam, cham'a apketche nak xép, sexnenakkek aptémakxa exchep, hakte ekyetno apyógkexma'!