Proverbios 24:9 - Biblia Enxet

⁹ Magya'assáxma m'a ekxéneykha nak chá'a apwáxok elának ma'a énxet ekyeyháxma; ¡apyókxoho énxet'ák chá'a etaqnawhok ma'a énxet ekyenneykha nak chá'a appeywa!

Proverbios 24:9 Referans Kwoze

Isaías 55:7

Tásek eyenyekxak apkeltémakxa nak chá'a m'a énxet'ák élmasagcha'a nak apkeltémakxa, tásek elwátésagkok ektémakxa nak chá'a élchetámeykha apkelwáxok ma'a énxet'ák ekyentaxno nak chá'a apkeltémakxa; kólyo'ókxa Wesse' egegkok, kélyósekak sa' elanok kéxegke m'a; kólyo'ókxa m'a Dios egagkok, apmopmenyého nak chá'a hempasmok yaqwayam hegásekhekxoho'.

Proverbios 29:8

Etekkesek chá'a ekyennama exma nepyeseksa tegma apwányam ma'a énxet'ák élyeyháxma nak; apwanchek eyke emasseksek chá'a éltamheykha apkelwáxok énxet'ák ma'a apkelya'áseykegkoho nak chá'a aqsok.

Proverbios 24:8

Énxet ekxéneykha nak apwáxok wánxa elának aqsok ekmaso, exénakpok chá'a apteme énxet aptekkesso chá'a apkelenmexamap ma'a apnámakkok.

Jeremías 4:14

Jerusalén, yáxñásekxa apwáxok aqsok ekmaso, keñe sa' ewagkasakpok teyp. ¡Elwatés ekxéneykha apwáxok aqsok ekmaso!

Génesis 6:5

Apwet'ak axta Wesse' egegkok ekyawa agko' ekmaso apkeltémakxa énxet'ák keso náxop, élxéneykencha'a aqsa apkelwáxok wánxa elanagkok ma'a aqsok ekmaso nak.

Proverbios 23:7

ekho nak xama kélwa' ekyetnayam nak egyespok. Sa' etnehek yának se'e: “Etaw, eyen”, háwe eyke naqso' xa aptáhakxa nak apcháneya;

Proverbios 22:10

Kéltekkessek agkok ma'a énxet megkeyxnegwayam nak chá'a appeywa, kamaskok ma'a nélenmexamaxche', nélyamatchásamáxche', nénlókáseyak egmók.

Salmos 119:113

Altaqnawhok ko'o m'a énxet'ák apkelmopwancha'a amya'a nak, eyásekhayók eyke ko'o m'a nélxekmowásamáxche apagkok.

Génesis 8:21

Xama axta aptekhana Wesse' egegkok xa ekmátsa nak ekpaqneyam, aptáhak axta s'e: “Wánxa kaxwók sektaqnagko keso náxop, eñama apkeltémakxa énxet'ák, hakte apketkok apkeynmókxa énxet wánxa kaxénmakha apwáxok elának aqsok ekmaso. Mamasséssemek han chá'a kaxwók ma'a ekyókxoho aqsok nawha'ák, sektáhakxa nak se'e kaxwo' nak.”

Proverbios 9:7

Apnókáseyha sa' agkok xép ma'a énxet megkeyxnegwayam nak chá'a appeywa, tén han ekmaso nak aptémakxa', asagkek sa' aqsa chá'a katnehek apchátegmoweykegkokxa', etaqnók sa' chá'a.

Proverbios 21:24

Énxet apkeltémo nak chá'a kóllanha tén han eyeymáxkoho apwáxok, ekyenneykha appeywa chá'a eltamhakpok ma'a énxet apkeltémo nak chá'a kóllanha aptáhakxa.