Proverbios 24:6 - Biblia Enxet

⁶ hakte kóltaqmelcheshok chá'a kélláneykekxa kéltáhakxa m'a peya enxoho kampakhaxche', agmallánek eyke chá'a m'a apxáma enxoho apkelpaqméteykha appasmeykha apkeltamheykha.

Proverbios 24:6 Referans Kwoze

Proverbios 11:14

Asagkek agkok apxegkesso apchókxa m'a apkelámha apmonye'e nak, ekmaso katnehek; kaxatakhak eyke chá'a m'a apxáma enxoho apkelpaqmeteykha appasmeykha apkeltamheykha.

Proverbios 20:18

Katyapok chá'a yaqwánxa etnahagkok énxet'ák ektaqmela enxoho chá'a apkelpaqmeyesma; kóltaqmelcheshok chá'a kélláneykekxa kéltáhakxa peya enxoho kampakhaxche'.

Proverbios 15:22

Kamassegwók chá'a aqsok yaqwánxa anlának ma'a mólpaqhetchásexkoho enxoho chá'a sekxo'; katyapok eyke chá'a aqsok ma'a apxáma enxoho apkelpaqhetchásamákpoho.