Proverbios 24:31 - Biblia Enxet

³¹ keñe sekwet'a ekxámokma éktegeykekxa namyep apagkok ma'a aqsok ekha nak am'ák, kelyaqneneykegkek ma'a meteymog aphaxtegkesso nak.

Proverbios 24:31 Referans Kwoze

Eclesiastés 10:18

Énxet megkayaqwayam nak etneykha katyamok chá'a appakxanma; keñe m'a melane agko' nak aqsok, apyókxoho apxagkok chá'a etyamok.

Jeremías 4:3

Aptáhak Wesse' egegkok apkeláneya énxet'ák Judá tén han Jerusalén se'e: “Kólchenekxa aqsok aktek ma'a xapop megkólcheneykekxexa nak aqsok; nágkólchenekxa kaxwók aqsok aktek ma'a neyseksa am'ák.

Isaías 5:5

Altennaksek sa' ko'o kéxegke ekxénakxa nak ewáxok atnéssesek ma'a anmen yámet séneykekxa: alhexyawássesek sa' ko'o m'a kélhaxtegkesso nak neyáwa, yaqwayam sa' kólmasséssók; alpáxqatchesek sa' ma'a meteymog kélhaxta nak neyáwa, yaqwayam sa' kalteyammaxche';

Proverbios 23:21

hakte meyke aqsok apagkok chá'a etnahágkok ma'a anmen át'ák nak, tén han ma'a melésso nak chá'a etawagkok aptéyak, keñe m'a énxet'ák apkelháxamákpoho nak chá'a eltemeykha, elántaxnekxak aqsa chá'a m'a apáwa apkelyeptamap nak.

Proverbios 22:13

Etnehek chá'a epaqmétek énxet apháxamákpoho nak chá'a etneykha s'e: “Yámakméwa yagqak ámay, heyaqhek katnehek.”

Proverbios 20:4

Wokmek agkok ekhem nempeyncheykemxa xapop namyep egagkok, keñe mepeynchemhek xapop namyep apagkok ma'a énxet apháxamákpoho nak etneykha; keñe sa' ekwokmo enxoho ekhem kélnakxamakxa ekyexna, etegyaha sa' eykhe, méteyágwomek sa' eyke.

Proverbios 19:23

Kawegqohok negweynchámeykha m'a nenteme nak chá'a negáyo Wesse' egegkok; kapayhekxak chá'a egwáxok neyseksa negha, méko katnehek xama aqsok ekmaso nenlegeykegkoho.

Job 31:40

¡katyapok sa' menóke xapop ahagkok, keñe sa' hótáhap metyepe', katyapok sa' pa'at ekmaso, keñe sa' apho nak hótáhap metyepe'! Cháxa néxa axta appeywa Job apxeyenma aptémakxa'.

Job 30:7

apkellekxagweykha axta aqsa neyseksa ekmompánaqma, aptaháneykekxeyk axta pók kóneg yenta'a étkók.

Proverbios 24:32

Xama axta ko'o sekwet'a xa, keñe élchetagkasa ewáxok; ekwet'a axta ko'o xa keñe sekya'ásegwokmo ektéma nak se'e:

Proverbios 13:4

Apmenyeyk eykhe katnehek aqsok apagkok ma'a énxet apháxamákpoho nak chá'a etneykha, métyehek eyke; xámok eyke katnehek aqsok apagkok ma'a énxet ekha nak aptamheykha.

Isaías 5:6

ektaqmópeyak sa' atnessásekxa'. Megkólyaqténchesagkek sa' nahan chá'a m'a axchakkok, megkólápetchesek sa' nahan chá'a m'a pa'at, kápekxak sa' ma'a am'ák tén han ma'a ekmompánaqma nak. Wának sa' nahan ko'o megkáphássesek ekmámeye m'a yaphope, yaqwayam sa' megkayássese'.