Proverbios 24:22 - Biblia Enxet

²² hakte yahamok chá'a káhapwak ekmaso apheykha m'a, méko han kay'asagkohok chá'a yaqwánxa etnehek apkellegassáseykegkoho Dios ma'a, tén han ma'a wesse' apwányam nak.

Proverbios 24:22 Referans Kwoze

Oseas 5:11

Mékoho kélteméssessók ma'a énxet'ák nak Efraín, massegkek kélháxenmo m'a ektémakxa nak chá'a ekpayhémo ekha xapop apagkok, hakte apmenyeyk chá'a elyetlakxak ma'a aqsok kéláyókxa élmowancha'a amya'a nak.

Salmos 90:11

¿Yaqsa ekya'ásegkoho m'a aplo ekyennaqte nak? ¿Yaqsa ekweteya m'a aplo?

Proverbios 20:2

Máxa yámakméwa ekpáweykha awáxok la'a etnehek aplawa enxoho xama wesse' apwányam; énxet aplókasso enxoho m'a, megkatnehek megyetsapma.

Proverbios 16:14

Aplókek agkok wesse' apwányam, yetneyk katnehek yaqwayam emátog, énxet apya'áseykegkoho aqsok akke aqsa apwanchek emasséssesek aplo.

Proverbios 6:15

Cháxa keñamak peya sa' katlakkasek aqsa káhapwak aqsok ekmaso; ekmanyehe agko' sa' enaqtawasakpok, mopwanchek sa' elwagkasakpok teyp.

Proverbios 24:16

hakte eyaqnenek eykhe chá'a ekweykmoho siete m'a meyke nak aptémakxa, siete eyke han chá'a katnehek apkempeykekxa néten; keñe m'a élmasagcha'a nak apkeltémakxa, káhapwak chá'a ekmaso apheykha eletsapok.

1 Reyes 1:49

Apkelpexyennegkek axta m'a ektáha axta apkeláneyeykha m'a Adonías; apkelchampákxeyk axta néten apyókxoho, apkexpaqneyk axta.

Eclesiastés 9:12

Méko ekya'ásegkoho ekwánxa kammok néxa ekhem agkok: ekhawo ektémakxa nak kelasma kólmok yám'én, keñe náta ma'a kelhanma, cháxa ektémakxa nak han énxet xa, katlakkasek aqsa chá'a káhapwak aqsok ekmaso neyseksa melhaxanma.