Proverbios 23:23 - Biblia Enxet

²³ Ema m'a ekteme nak ekmámnaqso', tén han negya'ásegwayam, nélxekmowásamáxche', keñe han ma'a negyekpelchémo, ¡ná ekxeyha aqsa ekha ekyánmaga!

Proverbios 23:23 Referans Kwoze

Proverbios 18:15

Elwetak chá'a apkelya'ásegwayam aqsok aptegyágko enxoho m'a énxet apkelya'áseykegkoho nak aqsok, tén han ma'a apmopwancha'a nak aqsok.

Salmos 119:72

Tásók agko' ko'o sélányo m'a nélxekmowásamáxche apagkok, megkaxnawok ma'a ekwánxa nak ekyókxoho m'a selyaqye nak keso náxop.

Proverbios 16:16

Tásek antegyek negya'ásegwayam aqsok, kaxnók ma'a sawo ekyátekto ekmomnáwa nak; tásek antegyek negya'ásegwayam, kaxnók ma'a sawo ekmope ekmomnáwa nak.

Isaías 55:1

“Kólchexyem kélyókxoho hem élnapma nak, kólyahagwata yegmen; meyke nak selyaqye kélagkok kólchexyem, kóltegyágwata hótáhap apaktek meyke ekyánmaga, tén sa' kóltawagkok; kóltegyágwata vino meyke kélyánmagkasso ketse' enxoho tén han weyke nagkeygmenek.

Proverbios 10:1

Salomón appeywa: Epeykessásekxak chá'a apwáxok apyáp ma'a kélketche apya'áseykegkoho nak aqsok; éntaxnésseshok eyke chá'a awáxok egken ma'a kélketche ekyeyháxma nak.

Salmos 119:127

Cháxa keñamak sekmámenyého nak ko'o m'a apkeltémókxa nak antéhek, megkaxnawok ekwánxa nak sekmámenyého m'a sawo ekyátekto ekmomnáwa ektaqmalma.

Proverbios 17:16

Kaqhok exegmak énxet ekyeyháxma esógmak selyaqye yaqwayam emok negya'ásegwayam aqsok, méko apya'áseyak.

Proverbios 9:8

Apkeltennásekxók sa' agkok xép aqsok apkelane m'a énxet megkeyxnegwayam nak chá'a appeywa, etaqnók sa'; apnókáseyha sa' agkok xép ma'a énxet apya'áseykegkoho nak aqsok, yásekhohok sa'.