Proverbios 22:28 - Biblia Enxet

²⁸ Nágkólxegkásekxoho chá'a xapop kélagkok ma'a néxa appekkenmakxa axta m'a kélyapmeyk nanók axta kéxegke.

Proverbios 22:28 Referans Kwoze

Deuteronomio 27:17

‘Exkak sa' Dios aplo énxet apchaqxegkahassáseykegkokxa nak chá'a néxa yókxexma apagkok pók yaqwayam emenyexchesek nekha m'a xapop apagkok.’ Apyókxoho énxet sa' etnehek apkelpeywa s'e. ‘Katnahagkok sa'.’

Deuteronomio 19:14

“Nágkólyeykhássamho aqsa néxa xapop kélagkok xapop apagkok nak énxet'ák apheykha ketók kélheykegkaxa m'a apchókxa yaqwánxa sa' egkések ma'a Dios Wesse' kélagkok, cham'a ekxénamaxchexa axta chá'a néxa m'a nanók axta.

Proverbios 23:10

Nágkólxegkásekxoho chá'a xapop kélagkok ekpekkenamaxchexa axta nanók néxa', ná émentagwom han xapop apagkok ma'a apkelyéheykha nak,

Job 24:2

Yaqxegkesagkohok chá'a néxa xapop apagkok ma'a élmasagcha'a nak apkeltémakxa', elmenyexek han chá'a nepkések yaqwayam exámasagkok ma'a nepkések apnaqtósso,

Proverbios 24:15

Nágkaxén aqsa apwáxok ekmaso elának ma'a énxet meyke nak aptémakxa, ná ektamák enaqtawássesha aqsok apagkok ma'a apxagkok nak,