Proverbios 21:8 - Biblia Enxet

⁸ Háwe ekpéwomo m'a apkeltémakxa nak chá'a énxet'ák élmasagcha'a nak aptémakxa'; tásek eyke chá'a katnehek aqsok apkelane m'a énxet meyke nak aptémakxa'.

Proverbios 21:8 Referans Kwoze

Proverbios 2:15

apkelyetleykha nak ámay megkapéwomo apkelyetnakhágwayam nak apkelyetlo m'a ámay ekpéwomo nak.

Daniel 12:10

Apxámok sa' énxet ellegagkohok xa nenlegeykegkoho ekxénáxko nak, elmallánek sa' yetlo kélaxñassáseykekxa apyempe'ék, tén han kélmópessáseykekxa'. Keñe sa' ma'a élmasagcha'a nak apkeltémakxa, elanagkok sa' aqsa makham apkeltémakxa élmasagcha'a, meyke apkelya'áseyak ektáhakxa', keñe sa' ma'a énxet'ák apkelyekpelchémo nak aqsok, elya'asagkohok sa'.

Eclesiastés 9:3

Ékeso étsagkassamo nak chá'a ekyókxoho aqsok ektémakxa nak chá'a keso náxop: kaxhok chá'a mók élhaxanma m'a apyókxoho nak. Keñe nahan élchetámeykha nak apwáxok énxet láneyók aqsok ekmaso; yetnegkek apwáxok aqsok ekyeyháxma neyseksa apha; keñe chá'a apwagkasa enxoho néxa apha, emhagkok chá'a élmaheykegkaxa nak eghagák.

Eclesiastés 7:29

Wánxa axta aqsa sekwetákxo s'e: Dios apteméssessama ekpéwomo aptémakxa énxet, keñe eyke énxet apteméssesamakpo apagko' apsexnánémap.

Proverbios 30:12

Yetneyk énxet apkenagko nak káxña'awok aptémakxa, megyaxñáseykekxa nak makham aptémakxa ekmanyása.

Proverbios 15:26

Eltaqnawhok Wesse' egegkok ma'a apmáheyo nak chá'a elanagkok aqsok ekmaso, kalkohok eyke chá'a apwáxok ma'a kélpeywa meyke nak ekyepetche xama aqsok ekmaso.

Génesis 6:12

Apyókxoho énxet'ák axta apnaqtawásamákpok. Xama axta apwet'a Dios ekyágwokmoho ekmaso nentémakxa keso náxop,

Proverbios 21:9

Tásek anxek ma'a teyp enxagkok, kaxnók anxek xamo' kañe' tegma m'a kelán'a ekyenneykha nak chá'a ekpeywa henlána'.

Isaías 26:7

Péwók ámay apagkok ma'a énxet'ák apkelpéwomo nak; Wesse', xép apteméssesso meyke élyapwátéyak ma'a ámay apagkok nak.

Isaías 59:8

Melya'ásegkok ma'a ekyetnamakxa nak meyke ektáhakxa egwáxok, méko ekpéwókxa enxoho m'a aqsok apkelánéyak. Éltaqhahéyak ma'a ámay apkelyetlamakxa nak chá'a; melweteyk meyke ektáhakxa egwáxok ektáha nak apkelyetlo xa ámay nak.