Proverbios 21:30 - Biblia Enxet

³⁰ Mékoho katnekxak nápaqto' Wesse' egegkok ma'a negya'áseykegkoho, tén han negmowána aqsok, keñe han ektaqmalma nak élchetámeykha egwáxok.

Proverbios 21:30 Referans Kwoze

Proverbios 19:21

Xámok chá'a katnehek ekxénakxa apwáxok elának aqsok ma'a énxet, wánxa eyke aqsa chá'a katyapok ma'a apkeltamho enxoho Dios.

Jeremías 9:23

Aptáhak Wesse' egegkok se'e: “Kéméxcheyk megkeyxkók appeywa exénakpekxohok apagko' énxet apya'áseykegkoho nak aqsok eñama apteme ekha apya'áseyák, tén han ma'a énxet apyennaqte nak eñama apteme ekha apyennaqte, tén han ma'a ekxámokma nak aqsok apagkok, eñama apteme ekxámokma aqsok apagkok.

Isaías 14:27

Apxénchek katnehek Wesse' ekha nak apyennaqte xa, méko nahan kawának kanókasha. Peyk ellegássesagkoho', méko nahan kayaqmagkassessók mók ma'a yaqwánxa etnehek.

Jonás 1:13

Apkelwasqápeykxók axta eykhe apkeltamheykha nak apmako ey'ásekxak neyáwa m'a yántakpayhe, mopwancha'ak axta eyke, hakte yágwokmók agko' axta eyáhapwe yegmen.

Eclesiastés 6:10

Aqsok élánteyapma nak, nanók ekha ekwesey, kélya'ásegkok nahan aptáha énxet. Méko awanchek kalátegmoweyxchek ma'a apmopwána nak apya'asakxa appeywa.

Isaías 45:9

Aphawók pók ma'a yátegwáxwa, mopwanchek elátegmoweykpok ma'a ektáha nak apkelane. Megkatnehek kának yelpa' ektáha nak apkelane s'e: “¿Yaqsa apkelana?”, Megkatnehek nahan kának apkelane nak chá'a aqsok étkók éltaqmalma s'e: “Mopwanchek xép aptamheykha.”

Josué 2:2

Wánxa agkok, xama énxet axta eyke apkeltennásseykxak ma'a wesse' apwányam nak Jericó. Axta aptáhak apcháneya s'e: —Nápakha énxet'ák Israel apkelwa'ak yaqwayam elanok ektémakxa negókxa s'e axta'a nak.

2 Samuel 11:9

axta eyke emyákxak apxagkok ma'a Urías, aptenchek axta aqsa m'a átog nak tegma apyawe, yetlo sẽlpextétamo apkeleyxcháseykha axta chá'a m'a wesse' apwányam.

1 Reyes 14:6

Xama axta apleg'a Ahías élpáwokmo amagkok ektaxnegwa'a m'a átog nak, aptáhak axta apcháneya: —Katex, Jeroboam aptáwa'. ¿Yaqsa ektáha éltamho nak kánéxchek mók kelán'a? Eyáneyáxcheyk xeyk ko'o apaqhetchesek ekyennaqte exche',

2 Reyes 6:12

Keñe axta xama aptáha apchátegmowágko: —Wesse', méko neykhe. Eliseo eyke apkeltennasso chá'a wesse' apwányam nak Israel, apteme nak Dios appeywa aplegasso m'a Israel, cham'a ekyókxoho aptémakxa nak chá'a exchep apyexamakpoho appaqméteykha m'a apteyenmakxa nak.

Job 41:2

¿Apwancheya elántaxnéssesek aweyhek táma', essenhan emallahanchessesek sawo ekhaxe amáxempenek?

Isaías 36:5

¿Xeyenmeyk enxeykel'a exchep apwáxok nempeywa ektaqmela ekhawo m'a ektémakxa nak ektaqmalma nenláneykekxa nentáhakxa tén han negyennaqte yaqwayam agmallánek ma'a kempakhakma? ¿Yaqsa apchásenneykekxo exchep apmáheyo nak hélmexek ko'o?