Proverbios 20:7 - Biblia Enxet

⁷ ¡Apkeleñémo kélketchek apkexeykekxa axta neptámen ma'a énxet ekpéwomo axta aptémakxa', tén han meyke axta aptémakxa'!

Proverbios 20:7 Referans Kwoze

Salmos 112:2

Kóltaqmelchessesek sa' chá'a apheykha m'a aptawán'ák neptámen nak énxet meyke aptémakxa, apmelyeyha'ak sa' han etnahagkok keso náxop.

Salmos 37:26

Yókxoho ekhem chá'a apmopyósa elanok pók, tén han apmassáseykha chá'a aqsok apagkok; Dios han apkelmésso m'a apketchek, eñama ektaqmeleykha apwáxok apkelányo.

Jeremías 32:39

Wának sa' ko'o etnahagkok wánxa apkelmopmenyého etnehek seyáyo neyseksa apheykha, yaqwayam sa' kataqmelek apheykha, yetlo aptawán'ák neptámen.

Proverbios 19:1

Tásek antéhek meyke aqsok egagkok tén han meyke nentémakxa, kaxnók antéhek ma'a segyeyháxma tén han negmowána amya'a.

Proverbios 13:22

Xámok chá'a katnehek aqsok apnegkencháseykekxa aptawán'ák neptámen ma'a énxet ektaqmalma nak aptémakxa'; keñe m'a aqsok apagkok nak ma'a énxet'ák melya'assáxma, sa' etnekxak apagkok ma'a énxet'ák élpéwomo nak apkeltémakxa.

Proverbios 14:2

Apcháyo chá'a etnehek Wesse' egegkok ma'a ekpéwomo nak aptémakxa'; ewanyaha eyke chá'a m'a ekmaso nak aptémakxa'.

Salmos 15:2

Wánxa m'a énxet apkeláneyo nak aptémakxa ektaqmela, apkeláneyo nak nentémakxa ekpéwomo, apxeyenmo nak amya'a ekmámnaqsoho ekweykmoho kañók agko' apwáxok;

Génesis 17:7

Cháxa ekhémo mók nélpaqhetchásamáxkoho sélánésa nak xép, tén han peya nak alanaksek ma'a apyókxoho aptawán'ák neptámen egmonye' sa', ko'o sa' chá'a atnehek Dios apagkok, tén han Dios apagkok ma'a aptawán'ák neptámen nak xép, meyke néxa'.

Salmos 26:1

Wesse', hexén ko'o meyke sektémakxa, hakte malaneyk ko'o xama aqsok ekmaso neyseksa sekweynchámeykha. Wesse', may'ásseykmok ahagko' ko'o exchep;

Isaías 33:15

Énxet apkelane nak chá'a aptémakxa ekpéwomo apxeyenma nak chá'a aqsok ekmámnaqsoho, mexámáséyak nak aqsok apagkok eñama apyennaqteyáseykha apyempehek, memà nak kólmések ma'a aqsok kélmésso naqsa, tén han melyeheykekxa nak chá'a yáneykpok elának ma'a aqsok ekmaso agko' nak tén han megkamopmenyého nak chá'a elanok ma'a aqsok ekmaso,

Salmos 26:11

Méko eyke ko'o aqsok ekmaso sélane neyseksa sekweynchámeykha, ¡hewagkas teyp, kapyósho hélano'!

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Proverbios 14:26

Nenteme negáyo Wesse' egegkok, cháxa nenteme ekyennaqte magya'ásseyam xa, apkelmasma nak chá'a m'a kélketchek.