Proverbios 20:22 - Biblia Enxet

²² Ná exén chá'a eyaqmagkásekxak kélteméssesakxa'; etne chá'a apcháyo Wesse' egegkok, sa' emallanchesek ma'a.

Proverbios 20:22 Referans Kwoze

Proverbios 24:29

Nágkaxén aqsa chá'a apwáxok eyaqmagkásekxak mók kélteméssessamakxa', ná exnésho nahan apteméssesakxa enxoho m'a pók.

Proverbios 17:13

Megkamassegwomek sa' ekyetno apxagkok énxet aqsok ekmaso apyaqmagkáseykekxa nak chá'a aqsok ekmaso m'a kélteméssessamakxa ektaqmela.

Deuteronomio 32:35

yaqwayam sa' amha m'a ekhem sekheyásawo sa' mók apkeltémakxa, sekmésa sa' apkellegeykegkoho ekpayhawo nak chá'a agkések, ekwokmo sa' apkelyaqnenágko keso náxop. Chágketwokmek ekhem yaqwánxa kólmasséssók, ¡Ketók agko' kaxwók ekhem!’

Salmos 27:14

¡Nágkólya'ássem Wesse' egegkok! ¡Kólwasqápekxoho, nágkólyelqaxche'! Naqso', ¡nágkólya'ássem Wesse' egegkok!

2 Samuel 16:12

Lapmaxcheyk sa' heyáphássesek aqsok ektaqmela Wesse' egegkok apleg'a enxoho ektémakxa ekyentaxno ewáxok, ekyaqmagkasso m'a sélyemneykha sekleg'a nak sakhem.

Isaías 40:31

elxawagkok sa' eyke chá'a axnagkok apkelyennaqte m'a énxet'ák apcháyo nak chá'a Wesse' egegkok, apwanchek sa' elchampa' ektémól'a m'a náta élyawe; apwanchek sa' yenyahagkok chá'a meyke apkelennamágwayam, apwanchek sa' elxog chá'a meyke apkelyampágwayam.

Salmos 37:34

Nágkólya'ássem kéxegke Wesse' egegkok, kólyahakxoho nahan, hakte sa' etnéssesek ekha kéláyo kéxegke m'a, tén han egkések yaqwayam kóltéhek kélagkok apchókxa. ¡Kéxegke kélagko' sa' han kólwetagkohok kólmasséssók ma'a élmasagcha'a nak apkeltémakxa!

Proverbios 20:21

Aqsok megkamáske nak ekwetamaxche sekxo', háwe yaqwayam kapeykásekxak egwáxok.

Levítico 19:18

“Ná kólyaqmagkásekxa chá'a apteméssesakxa énxet'ák kélagkok, nágkóltaqnaweyha chá'a. Kólásekhoho chá'a kélmók, ekhawo ektémakxa nak kéxegke kélásekhamaxchekxoho kélagko'. Ko'o sekteme Wesse' kélagkok.

1 Samuel 25:13

Keñe axta David aptáha apkeláneya m'a apkelxegexma'a: —¡Kólmekxa sa' kélmeykha kélanchesso kempakhakma kélyókxoho nak! Apkelchexnágkek axta sókwenaqte apagkok nepxet ma'a apkeláneykha nak, aptemék axta han ma'a David; cuatrocientos énxet'ák axta han apkelxegak apkelyetlawa, keñe axta doscientos apkelhákxo apkelánencha'a m'a aqsok apagkok.

Salmos 37:40

Epasmok chá'a Wesse' egegkok elmallahanchesek. Elegketchesek chá'a m'a élmasagcha'a nak apkeltémakxa, tén han elwagkasek chá'a teyp, hakte apkelye'eykekxeyk chá'a aptegyeykencha'a élmasma m'a.

Proverbios 19:11

Ekha élchetámeykha apwáxok chá'a katnésseshok énxet ma'a mepekhésamap nak chá'a elwok, keñe ekha kéláyo chá'a katnéssesek ma'a meyaqmagkáseykekxa nak chá'a mók kélteméssesakxa'.