Proverbios 20:2 - Biblia Enxet

² Máxa yámakméwa ekpáweykha awáxok la'a etnehek aplawa enxoho xama wesse' apwányam; énxet aplókasso enxoho m'a, megkatnehek megyetsapma.

Proverbios 20:2 Referans Kwoze

Proverbios 19:12

Máxa yámakméwa ekpáweykha awáxok la'a etnehek aplawa enxoho m'a wesse' apwányam, máxa eyke yálye élyássessól'a pa'at ma'a ektaqmeleyncha'a enxoho apwáxok henlano'.

Eclesiastés 10:4

Aptaqnókek agkok xép ma'a aptaqmelchesso nak apchókxa, nágkapekhe apwáxok; mampekhésamaxche' awanchek kamasseksek ma'a aqsok ekyawe nak magaqhémo.

Proverbios 8:36

keñe m'a énxet ektáha nak sétnakhasso ko'o, cháxa aptawásekpoho apagko' xa; ¡apyókxoho ektáha nak chá'a setaqnagko ko'o, cháxa aptáha apchásekhayo m'a nétsapma!”

1 Reyes 2:23

Tén axta apteméssesa naqsók agko' appeywa wesse' apwányam Salomón yetlo apxeyenma apwesey Wesse' egegkok: “¡Heñássesagkohok sa' ko'o Dios ekyentaxno agko' megyetsapa enxoho Adonías, eñama xa aptémakxa nak appeywa.

Oseas 11:10

Enaqlakxak sa' Wesse' egegkok ma'a, keñe sa' éxwéwha m'a ektémól'a méwa. Éxwéwha sa', keñe sa' elyo'ótak yetlo apkelaye m'a ektáha nak énxet'ák apagkok, apkeleñama m'a ektaxnegwánxa ekhem.

Habacuc 2:10

Kéllánessegkek kélxanák ma'a aqsok segmegqassamo nak, kélnaqtawásamáxche kélagko' kéltemék kélmassésseykmo apxámokma apagko' ma'a pók aptémakxa énxet'ák.

Amós 3:8

¿Yaqsa megkalpexyennemek eyeye, ekyexweweyncha'a enxoho méwa? ¿Yaqsa megkaxénhek Wesse' egegkok appeywa apkeltamho enxoho kaxének ma'a?

Números 16:38

Élpagkanamaxche táhak apxata nak chá'a aqsok ánek ekmátsa ekpaqneyam éten agkok xa énxet'ák nak, apkeletsapa nak eñama melya'assáxma, hakte kélmeykha axta chá'a yaqwayam kólnegkenwók nahaqtók ko'o m'a aqsok ánek ekmátsa nak ekpaqneyam éten agkok. Kólpeykásekxa sa' xa sawo nak yaqwayam sa' kólyepetchesek émpehek ma'a ekwatnamáxchexa nak aqsok, yaqwayam sa' katnehek ekxénweykekxoho chá'a apkelwáxok kéleysso m'a israelitas.”

1 Reyes 2:24

Naqsók ko'o ektemessásak yetlo sekxeyenma Wesse' egegkok apwesey, setnéssesso axta ko'o wesse' apwányam sekyaqmagkasso m'a táta David, segkéssama axta megkatnégwayam néxa' yaqwayam etnahagkok kelwesse'e m'a étawán'ák nak, yetsapok sa' sakhem ma'a Adonías!”