Proverbios 20:15 - Biblia Enxet

¹⁵ Tásók agko' appeywa m'a énxet appaqmeyesmo nak chá'a yetlo apya'áseykegkoho, yeykhásseykmók ma'a sawo ekyátekto ekmomnáwa, tén han ma'a aqsok élyenméyak ekhágko nak se'e ekyókxoho nélwanmeygkaxa nak.

Proverbios 20:15 Referans Kwoze

Proverbios 25:12

Megkaxnawok ektaqmalma ektémakxa nak chá'a kélnókáseykha énxet apmomo nak chá'a takha' kélnókáseykha m'a kélatchesso kélaphék sawo ekyátekto, tén han ma'a kélnatanma.

Proverbios 8:11

Tásók agko' ma'a negya'áseyak nak aqsok kaxnók ma'a meteymog éltaqmalma nak; ¡mogwanchek aghéshok xama enxoho m'a aqsok kélmámenyého nak!

Proverbios 16:24

Máxa yányawhéna' apyegmenek ma'a ekmátsa nak nempeywa: hegátsessásekxak chá'a egwáxok, hegmeyásekxak han chá'a axnagkok negyennaqte.

Proverbios 16:16

Tásek antegyek negya'ásegwayam aqsok, kaxnók ma'a sawo ekyátekto ekmomnáwa nak; tásek antegyek negya'ásegwayam, kaxnók ma'a sawo ekmope ekmomnáwa nak.

Proverbios 15:7

Yexpánchesha chá'a negya'áseyak aqsok ma'a énxet apya'áseykegkoho nak aqsok; keñe metnehek ma'a énxet élyeyháxma nak.

Proverbios 16:21

Apmopwána aqsok chá'a eltamhakpok ma'a énxet élchetámeykha nak chá'a apwáxok, yetlo apya'áseykegkoho aqsok; kalmok nahan chá'a apkelwáxok énxet'ák ma'a nempeywa ekmátsa nak.

Proverbios 3:15

Tásók agko' ma'a negya'áseykegkoho aqsok, yeykhásseykmók ma'a meteymog éltaqmalma nak; ¡mogwanchek nahan aghéshok ma'a aqsok kélmamenyého kélagko' nak chá'a!

Proverbios 15:23

¡Kalpeykásekxohok chá'a apkelwáxok énxet ekpayhawo enxoho chá'a aqsok nenxeyenma, ekyagwánxa agkok ma'a negaqhawo enxoho kélámenyéxa katnehek!

Proverbios 20:14

“¡Asagko'!”, etnehek ma'a énxet apma nak chá'a aqsok, keñe sa' apma enxoho, kaqheykha chá'a apwáxok aptáhakxa.

Proverbios 20:16

Énxet apxeyenma nak chá'a eyánmagkassesek apméyak aqsok ma'a méteykxa nak, elyementem sa' apkelnaqta, elma sa' ekwokmo apyánmagkásekxo makham.

Proverbios 5:2

Keñe sa' ey'ásegwók apteme apmopwána apkeláneykegkoho aptémakxa, epaqmétek sa' nahan yetlo ekha ektémakxa apya'áseykegkoho aqsok.

Proverbios 8:10

Kólma chá'a m'a ekyókxoho sélxekmowáseyak nak, tén han ma'a ektémakxa nak kélyekpelchémo, nágkólmeyókasho chá'a amonye' kólmok ma'a sawo ekmope élyenma tén han ma'a sawo ekyátekto ekmomnáwa.”