Proverbios 2:20 - Biblia Enxet

²⁰ Étlow xép ámay apagkok ma'a énxet'ák éltaqmalma nak apkeltémakxa, etne m'a apkeltémakxa nak énxet'ák élpéwomo nak apkeltémakxa'.

Proverbios 2:20 Referans Kwoze

Jeremías 6:16

Aptáhak Wesse' egegkok apkeláneya énxet'ák apagkok se'e: “Kólchaqnágwom hana ámay, kóllano sa', kóltegyaha sa' amya'a m'a nanók ámay axta, háxko ekyetnamakxa m'a ámay ektaqmalma nak; kólyetlakxa sa' ma'a, keñe sa' kólwetekxak kéllókasso kélyampe.” “Axta eyke aptáhak apkelpaqmeta s'e: Ma', magmakók negko'o ólyetlakxak ma'a.”

Proverbios 13:20

Epaxqaha m'a énxet'ák ekha nak apkelya'áseykegkoho aqsok, keñe sa' étak apya'ásegwayam aqsok; epaxqaha m'a élyeyháxma nak, keñe sa' etwasakpok.

Salmos 119:115

¡Kólántép sekhakxa, élmasagcha'a nak kéltémakxa! ekmakók ko'o alának ma'a apchánamakxa nak antéhek Dios ahagkok!

Salmos 119:63

Sélxegexma'a ko'o apyókxoho m'a aptáha nak chá'a apcháyo, tén han apkeláneyak nak chá'a m'a apchánamakxa nak antéhek.

Proverbios 4:18

Máxa kaxwe ekteyapma ekhem élsassóxmal'a ámay apagkok ma'a énxet'ák élpéwomo nak apkeltémakxa': kataqmelchesagkohok aqsa kalsaksek exma, ekwokmoho m'a ekyennaqwokmo élsassóxma.

Proverbios 4:11

Ko'o sa' eyntamok ma'a ámay ekyetnamakxa nak negya'ásegwayam aqsok: wának sa' nahan étlók ma'a ámay ekpéwomo nak,

Proverbios 8:20

Eytlók chá'a ko'o m'a ámay ekpéwomo nak, cham'a ámay ektaqmelchessamo nak negha.