Proverbios 2:10 - Biblia Enxet

¹⁰ kamok sa' apwáxok ma'a negya'ásegwayam nak, atsek sa' katnehek ekma enxoho apwáxok.

Proverbios 2:10 Referans Kwoze

Jeremías 15:16

Epaqhetchessek axta agkok chá'a exchep, ataqmelcheshok axta chá'a ko'o sekháxenmo; hakte cha'a ekteme ko'o sepeykessáseykekxa chá'a ewáxok ma'a, tén han segkésso ekmátsa ewáxok, hakte ko'o apagkok xép Wesse' Dios ekha nak apyennaqte.

Job 23:12

Éláneyak chá'a ko'o m'a segánamakxa apagkok nak, tén han apchánamakxa nak antéhek, malaneyk ma'a sekmámenyého ahagko' nak.

Salmos 119:162

Kapeykásekxak chá'a ko'o ewáxok ma'a appeywa, máxa m'a énxet apweteykekxal'a ekxámokma aqsok élmomnáwa.

Salmos 104:34

Émenyeyk ko'o kapeykessásekxak apwáxok Wesse' egegkok ma'a ektémakxa nak chá'a élchetámeykha ewáxok, hakte wánxa chá'a ko'o segkésso ekpayheykekxa ewáxok ma'a.

Salmos 19:10

¡kélmenyeyk agko' han, yeykhágweykmók ma'a ektémakxa nak kélmámenyého sawo ekyátekto ekmomnáwa ektaqmalma! ¡atsók agko' han, yeykhágweykmók ma'a ektémakxa nak ekmátsa yányawhéna' apyegmenek!

Salmos 119:111

Aqsok ahagkok meyke néxa ko'o m'a apchánamakxa nak antéhek, hakte cháxa sepeykessáseykekxa chá'a ko'o ewáxok ma'a.

Proverbios 14:33

Keytek chá'a negya'áseykegkoho aqsok apkelwáxok ma'a énxet ekpéwomo nak chá'a élchetámeykha apkelwáxok, keñe m'a énxet'ák élyeyháxma nak, melweték ektémakxa'.

Salmos 119:103

Atsók agko' ma'a appeywa nak, yeykhásseykmok ektémakxal'a atwok yányawhéna' apyegmenek.

Salmos 119:97

¡Awanhek ko'o seyásekhayo nélxekmowásamáxche apagkok! ¡Yókxoho ekhem chá'a élchetagkáseykha ewáxok!

Proverbios 1:4

ólya'assásegwók aqsok ma'a wokma'ák melya'áseyak nak aqsok, tén han agmések apkelyekpelchágwayam tén han agya'assásegwók ektémakxa ektaqmalma élchetámeykha apkelwáxok.

Proverbios 22:18

Kalkohok sa' apwáxok appekkena enxoho apwáxok, apwanchek sa' chá'a exénekxoho'.

Proverbios 4:6

Yásekhoho m'a ektémakxa nak negya'áseykegkoho aqsok, ná eyensem aqsa, sa' kamyók chá'a exchep xa.