Proverbios 19:21 - Biblia Enxet

²¹ Xámok chá'a katnehek ekxénakxa apwáxok elának aqsok ma'a énxet, wánxa eyke aqsa chá'a katyapok ma'a apkeltamho enxoho Dios.

Proverbios 19:21 Referans Kwoze

Proverbios 16:9

Elánekxak chá'a aptáhakxa énxet, Wesse' egegkok eyke chá'a epékessesagkok ma'a apmahágkaxa enxoho.

Isaías 14:24

Naqsók aptáha appeywa Wesse' ekha nak apyennaqte s'e: “Megkatnehek sa' megkalánamáxche m'a sekxeyenma axta ko'o kalanaxche'; aqsok sekmámenyého axta katnehek, katnehek sa'.

Proverbios 16:1

Énxet chá'a sekxók apkeláneykekxa yaqwánxa elának aqsok; keñe Wesse' egegkok apkeltémo chá'a katyapok.

Isaías 46:10

Ekxeyenmeyk axta ko'o yaqwánxa katnehek ektemegwánxa néxa m'a sekxók eyeynókxa axta; ekxeyenmeyk axta yaqwánxa katnehek egmonye' m'a sekxók megkatnamakxa axta makham. Axta ektemék ko'o s'e: Kalanaxchek sa' ma'a aqsok sekmáheyo nak alána'; alának sa' ko'o ekyókxoho m'a sekxeyenma nak alána'.

Proverbios 21:30

Mékoho katnekxak nápaqto' Wesse' egegkok ma'a negya'áseykegkoho, tén han negmowána aqsok, keñe han ektaqmalma nak élchetámeykha egwáxok.

Job 23:13

Peyk agkok elának xama aqsok ma'a, elának nahan; méko awanchek kayaqmagkassesek ma'a yaqwánxa etnehek.

Proverbios 21:1

Wesse' egegkok chá'a apkeláneseykegkoho élchetámeykha apwáxok ma'a wesse' apwányam, étlók chá'a m'a ektémól'a wátsam ekmeyeykekxexal'a chá'a yegmen, apkeltamhókxa enxoho chá'a m'a Wesse' egegkok.

Eclesiastés 7:29

Wánxa axta aqsa sekwetákxo s'e: Dios apteméssessama ekpéwomo aptémakxa énxet, keñe eyke énxet apteméssesamakpo apagko' apsexnánémap.

Daniel 4:35

Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”

Salmos 21:11

Emáwhok sa' eykhe etnéssessamhok exma ekmaso exchep, elánekxak sa' eykhe apkelpeywa yaqwánxa etnéssesek yenmexek xép, megkatyepek sa' eyke yaqwánxa etnahagkok,

Génesis 50:20

Xeyenmeyk axta kéxegke kélwáxok hélteméssessamhok exma ekmaso, keñe Dios aptemessásekxo ektaqmela m'a aqsok ekmaso nak, yaqwayam enxoho alának se'e kélwet'a nak kaxwo': yaqwayam alwagkasek teyp apxámokma apagko' énxet'ák.

Proverbios 12:2

Yásekhohok chá'a Wesse' egegkok ma'a énxet ektaqmalma nak aptémakxa', eñássesagkohok eyke chá'a m'a énxet ekmaso nak élchetámeykha apwáxok.

Ester 9:25

Xama axta ekweykekxo aphakxa wesse' apwányam ma'a Ester, apchásennakkek axta aptáxésso apkeltamho kápekxak Amán ma'a ekyókxoho aqsok ekmaso ekxeyenma axta apwáxok etnéssesek ma'a judíos. Kélmakheyáseykha axta néten yámet ma'a Amán yetlo apketchek.

Salmos 83:4

Xénchek apkelwáxok elxegmak hegmasséssók negko'o, yaqwayam enxoho kamassegwók nélwetamaxche', yaqwayam enxoho megkaxénwók chá'a kélwáxok apwesey m'a Israel.

Proverbios 19:22

Meyke apyenyaweykha pók kélmenyeyk etnehek ma'a énxet; tásek antéhek meyke aqsok egagkok, kaxnók antéhek negmowána amya'a.

Jeremías 44:29

Agkések sa' ko'o kéxegke s'e aqsok magkenatchesso yaqwayam kólya'asagkohok peya katnehek ma'a sekmáheyókxa axta atnéssesek, ko'o sektáha nak Wesse', tén han sekmáheyo allegássesagkohok se'e apchókxa nak:

2 Samuel 17:14

Leyawók axta apwáxok Absalón tén han apyókxoho énxet'ák Israel yaqwánxa etnehek ma'a Husai, axta kaxnók ma'a yaqwánxa axta etnehek ma'a Ahitófel. (Nanók axta eyke apmáheyo metekkessesek Wesse' egegkok yaqweykenxa etnehek ma'a Ahitófel, ektaqmela axta eykhe, yaqwayam enxoho yahak aqsok ekmaso m'a Absalón.)

Ezequiel 20:32

Xeyenmeyk kéxegke kélwáxok kóltéhek ma'a aptamheykegkaxa nak pók aptémakxa énxet'ák keso náxop, cham'a apkelpeykessamo nak yámet tén han ma'a meteymog, megkatnehek sa' eyke xa ektáha nak.