Proverbios 19:13 - Biblia Enxet

¹³ Etwássesha chá'a apwáxok apyáp ma'a kélketche ekyeyháxma. Máxa yegmen eksekkenmal'a katnehek ma'a kelán'a ekyenneykha nak chá'a ekpeywa kalának atáwa'.

Proverbios 19:13 Referans Kwoze

Proverbios 27:15

Máxa yegmen eksekkenmal'a neyseksa ekmámeye katnehek ma'a kelán'a ekyenneykha nak chá'a ekpeywa kalának atáwa'.

Proverbios 21:9

Tásek anxek ma'a teyp enxagkok, kaxnók anxek xamo' kañe' tegma m'a kelán'a ekyenneykha nak chá'a ekpeywa henlána'.

Proverbios 10:1

Salomón appeywa: Epeykessásekxak chá'a apwáxok apyáp ma'a kélketche apya'áseykegkoho nak aqsok; éntaxnésseshok eyke chá'a awáxok egken ma'a kélketche ekyeyháxma nak.

Proverbios 25:24

Tásek anxek ma'a teyp enxagkok, kaxnók anxek xamo' kañe' tegma m'a kelán'a ekyenneykha nak chá'a ekpeywa henlána'.

Proverbios 21:19

Tásek aghamok ma'a yókxexma meykexa nak énxet, kaxnók anxek xamo' ma'a kelán'a sentaqnaweykha nak chá'a, ekyenneykha nak chá'a ekpeywa henlána'.

Proverbios 17:25

Ellókasek chá'a awáxok chána m'a kélketche ekyeyháxma nak, ellapwagkassesagkok nahan chá'a.

Proverbios 17:21

Negwete nak egketche ekyeyháxma, wánxa aqsa hegmések chá'a eklegeykegkoho egwáxok, negwete nak egketche ekmaso aptémakxa, mehegmések ma'a ekpayheykekxa egwáxok.

Job 14:19

Cha'a apteméssessamakxa exchep apkelhaxanma nak énxet ma'a ektémakxal'a yegmen eksawhomal'a meteymog, tén han ekmámeye élpexyawáseyak la'a yagkamex náxop.

Proverbios 15:20

Epeykessásekxak chá'a awáxok chána m'a kélketche apya'áseykegkoho nak aqsok; elwanyaha eyke chá'a chána m'a kélketche ekyeyháxma nak.

Proverbios 17:17

Egmók segápeykha nak chá'a, máxa egyáxeg egagko' etnehek ma'a ekwa'a enxoho ekyentaxno negha.