Proverbios 18:6 - Biblia Enxet

⁶ Nélátegmómaxche chá'a katekkesek appeywa m'a énxet ekyeyháxma nak; appeywa chá'a kasexnenak kólyekpexchetmakha.

Proverbios 18:6 Referans Kwoze

Proverbios 27:3

Kelyentex'ak ma'a meteymog tén han xapop ánek, eyke ekyentaxnakxa agkok aplo m'a énxet ekyeyháxma nak.

Proverbios 29:9

Apkelátegmoweykpek agkok énxet apya'áseykegkoho aqsok ma'a énxet ekyeyháxma nak, elwok aqsa m'a, yesmaksek han chá'a, mey'asagkehek chá'a yaqwánxa etnéssesek.

Proverbios 25:24

Tásek anxek ma'a teyp enxagkok, kaxnók anxek xamo' kañe' tegma m'a kelán'a ekyenneykha nak chá'a ekpeywa henlána'.

Proverbios 20:3

Payhawók etnehek énxet melátegmómap chá'a pók, hakte cháxa ektaqmela antéhek xa, apwanchek eyke etekkesek aqsa chá'a m'a ekyeyháxma nak.

Proverbios 19:29

Penchásexcheyk yaqwayam kóllegássesagkohok ma'a megkalyexnegwayam nak chá'a apkelpeywa; keñe han yaqwayam kólyekpexchetagkok ma'a énxet'ák élyeyháxma nak.

Proverbios 19:19

Exkak chá'a kéllegassáseykegkoho énxet aplómo apagko' nak chá'a; negmássessekmek agkok yaqwayam kóllegássesagkoho', kayágwomhok aqsa aplo.

Proverbios 17:14

Máxa yegmen ekyawe ekteyapmal'a katnehek sekxo' enxoho nélátegmoweyxko; tásek eyke agyetnakhak chá'a heykxa amonye' yaqwayam kasógwok.

Proverbios 14:16

Yáwhok elának aqsok ekmaso m'a énxet apya'áseykegkoho nak aqsok, étnakhaksek nahan, keñe m'a énxet ekmaso nak aptémakxa', megyekyek chá'a elána'.

Proverbios 14:3

Keyxkohok chá'a appeywa m'a énxet ekyeyháxma nak; keñe m'a énxet apya'áseykegkoho nak aqsok, kamyók chá'a m'a aptáhakxa enxoho chá'a appeywa.

Proverbios 13:10

Nélenmexamaxche aqsa katekkesek ma'a eyeymáxko nak egwáxok, keñe m'a megkaleymáxkoho nak chá'a apkelwáxok, elmok chá'a takha' m'a ektémakxa kélpaqhetcháseykha.

Proverbios 12:16

Yahamok chá'a elwok ma'a énxet ekyeyháxma; megyeyxók eyke chá'a aptaqnómap ma'a énxet apya'áseykegko nak aqsok.

Proverbios 22:10

Kéltekkessek agkok ma'a énxet megkeyxnegwayam nak chá'a appeywa, kamaskok ma'a nélenmexamaxche', nélyamatchásamáxche', nénlókáseyak egmók.