Proverbios 18:5 - Biblia Enxet

⁵ Megkapayhawok elxének chá'a énxet'ák segyekpelchémo meyke apkeltémakxa m'a ektáha nak chá'a apkelsexnánémap, megkapayhawok han chá'a elsexnenak ma'a énxet meyke nak apkeltémakxa'.

Proverbios 18:5 Referans Kwoze

Levítico 19:15

“Kélxénchek sa' agkok chá'a yaqwánxa kólteméssesek xama énxet, nágkólteme chá'a megkapéwomo kéltémakxa': nágkólteme chá'a apyeykhamap pók kóllano', cham'a meyke nak aqsok apagkok, tén han ma'a ekxákma nak aqsok apagkok. Nágkólyetnakhássem chá'a nentémakxa ekpéwomo kélxéna enxoho chá'a yaqwánxa kólteméssesek ma'a énxet.

Proverbios 28:21

Megkapayhawok antéhek apyeykhamap pók anlanok egnámakkok; megkeyxek henlanaksek magya'assáxma m'a selyaqye étchetse nak.

Deuteronomio 16:19

Nágkólyetnakhássem chá'a m'a ekpéwomo nak kéllánekxésso amya'a kélnámakkok, nágkóltemésses chá'a apyeykhamap pók kóllanok énxet nepyeseksa m'a pók énxet'ák nak, nágkólma chá'a kólxawak selyaqye kóláneyxchek megkólxének aqsok kélwete, hakte máxa meyke apaqta'ák chá'a katnésseshok énxet'ák apkelya'áseykegkoho nak chá'a aqsok ma'a apma nak chá'a exkak selyaqye yaqwayam mexének ma'a aqsok apwete, katwássesha nahan chá'a apkelpeywa m'a énxet'ák apkelpéwomo nak.

Salmos 82:2

“¿Háxko sa' ekwánxa katnégwók néxa megkataqmalma kélyekpelchémo chá'a énxet'ák? ¿Háxko ekwánxa katnégwók néxa kélpasmo m'a élmasagcha'a nak apkeltémakxa?

Proverbios 24:23

Keso apkelxeyenma han apkelya'áseykegkoho nak aqsok se'e: Megkapayhawok anteméssesek apyeykhamap pók nenlányo énxet ma'a sẽlyekpelchémókxa nak.

Proverbios 17:15

Nenxeyenma meyke aptémakxa m'a énxet apsexnánémap nak, keñe han nenxeyenma apsexnánémap ma'a énxet meyke nak aptémakxa', cháxa ánet aqsok aptaqnagkamo apagko' nak ma'a Wesse' egegkok.

Isaías 5:23

Kéxegke, kélmà nak selyaqye kólánéxchek kólxének meyke aptémakxa m'a énxet apsexnánémap nak, keñe megkóllanók ma'a énxet meyke nak aptémakxa.

Job 34:19

Mepasmekxeyk ma'a apkeltaqmelchesso nak apchókxa, metnéssesek apyeykhamap pók elanok ma'a ekxámokma nak aqsok apagkok tén han ma'a meyke nak aqsok apagkok, hakte cha'a apkelane apyókxoho m'a.

Miqueas 7:3

Apwancha'ak elanagkok ma'a aqsok ekmaso; eltamhok chá'a elxawagkok ekyánmaga m'a wesse' apkeláneykha nak, elmok chá'a takha' kólmések selyaqye yaqwayam mepékesók aqsok apkelxeyenma m'a énxet'ák segyekpelchémo nak, elanagkok chá'a ekxénakxa enxoho chá'a apkelwáxok elanagkok ma'a kelwesse'e nak, etwássesha chá'a apkeltémakxa énxet'ák ma'a tegma apwányam.

Isaías 59:14

Taqnómaxchek ma'a aqsok ekpéwomo nak, makhawók yetneyk ma'a aqsok ektaqmalma nak, kelpelapmeykha aqsok ekmámnaqsoho m'a apkelweynchámeykegkaxa nak chá'a énxet'ák apxámokma, keñe m'a meyke nak nentémakxa yawanchek ekmáheyo kawa'.

Éxodo 23:2

“Apxámok sa' eykhe etnehek ma'a énxet élmasagcha'a nak apkeltémakxa, ná exnésakpoho. “Apcháneyákpek sa' agkok exének xama amya'a, ná etne apmopwána amya'a, epékesho aqsa chá'a m'a aqsok apxeyenma, meyke apweheneykekxoho m'a énxet'ák apxámokma nak;

Éxodo 23:6

“Kéllánekxéssek agkok nahan amya'a énxet meyke nak aqsok apagkok, nágkóltawássesha chá'a m'a ekpayhawo nak chá'a yaqwánxa kólteméssesek.

Proverbios 17:26

Asagkek anlekkesek selyaqye apagkok ma'a meyke nak aqsok ekmaso apkelane, asagkek han ólyekpexchetmakha m'a énxet meyke nak aptémakxa'.

Proverbios 31:5

hakte kalwánaqtésegmak ma'a ektémakxa nak segánamakxa' melanagkehek ma'a ekpayhawo nak kólteméssesek ma'a énxet'ák apkelmopyóseka nak.

Miqueas 3:9

Kóleyxho sa' kaxwo' se'e, kelwesse'e, tén han apkelámha apmonye'e nak Israel, kéltaqnagko nak chá'a m'a nentémakxa ekpéwomo, kélyetnakhásseyam nak chá'a ekyókxoho m'a aqsok ekpéwomo nak,

Éxodo 23:3

meyke aqsok apagkok sa' eykhe nahan katnehek ma'a énxet apxénamap, ná etne apmopwána amya'a exének kapyóshok elano'.