Proverbios 18:18 - Biblia Enxet

¹⁸ Kamassegwók chá'a apkelátegmómap énxet ektawásexko enxoho chá'a xama aqsok yaqwayam kólya'asagkohok ektáha ekpehewayam, kaxpánchesek chá'a m'a apkelenmexamap nak.

Proverbios 18:18 Referans Kwoze

Proverbios 16:33

Etwasagkok chá'a xama aqsok énxet, Wesse' egegkok eyke apxeyenma chá'a m'a ekyókxoho yaqwánxa enxoho kaphemmok.

Nehemías 11:1

Apkelhakmek axta Jerusalén ma'a apkelámha apmonye'e nak chá'a nepyeseksa énxet'ák; keñe axta m'a nápakha apkeleymomap axta aptawásegko chá'a xama aqsok, yaqwayam enxoho elhók chá'a Jerusalén xama nepyeseksa m'a diez énxet'ák, cham'a tegma apwányam appagkanamap nak, keñe sa' ma'a pók apkeleymomap nak nueve, elhók chá'a mók apheykegkaxa nak chá'a énxet.

1 Crónicas 24:31

Xama aqsok axta han tawásexcheyk kélmeyásegko apkeltamheykha xa énxet'ák nak, apnámakkok nak chá'a m'a apkemha apmonye' nak, keñe han ma'a apyáxeg nak, ekhawo han ma'a apteme apnámakkok nak, Aarón axta aptawán'ák neptámen. Nápaqtók ma'a wesse' apwányam David, Sadoc, Ahimélec, tén han apkelámha apmonye'e apnámakkok, apkelmaxnéssesso Dios énxet'ák apagkok, tén han ma'a levitas.

1 Crónicas 6:63

Tén axta Merarí aptawán'ák neptámen, cham'a apwánxa axta chá'a apnámakkok, élpehewokmo apkelxawéyak doce tegma apkelyawe apagkok axta m'a Rubén, Gad tén han Zabulón énxet'ák apagkok.

1 Samuel 14:42

Keñe axta aptáha makham Saúl se'e: —Kóltawásekxak makham yaqwayam kólya'asagkohok hatte tén han ko'o. Keñe axta eyaqhawo apsexnánémap ma'a Jonatán,

Josué 14:2

Xama aqsok axta aptawásegkok apmelassa xapop ma'a nepyeseksa nak nueve pók aptémakxa énxet'ák, tén han ma'a nápakha nak énxet'ák, apkeltémókxa axta Wesse' egegkok etnehek ma'a Moisés.

Proverbios 18:17

Agának chá'a naqsók aptáhakxa appeywa m'a énxet appaqmeyesma nak chá'a apmonye' exének aptáhakxa', keñe apwa'a enxoho m'a apkenmexma etnéssesek apmopwána amya'a.

Proverbios 18:19

Nenlókasso egmók, máxa etnehek ma'a ektémól'a tegma apátog kélápeykekxa ekyennaqte. Nentaqnagko nak egmók, hegyenyókasek egmók, máxa katnehek ma'a ektémól'a tegma apyawe kélhaxtegkesso.

1 Samuel 14:41

Tén axta Saúl aptáha s'e: —Wesse', Dios apagkok nak Israel, ¿yaqsa ektáha meheyátegmowágko nak sakhem, ko'o sektáha nak xép apkeláneykha? Ko'o sa' agkok sélane may'assáxma, essenhan ma'a hatte Jonatán, sa' eyke kólya'asagkohok ektepa enxoho Urim ma'a ektawásamáxche xama aqsok; Israel sa' agkok apkeláneyak melya'assáxma, énxet'ák apagkok nak xép, katyapok sa' ma'a Tumim. Jonatán tén han Saúl axta han pehewokmok eyaqhémo, keñe axta énxet'ák megkaphewokmo apkelsexnánémap.