Proverbios 18:11 - Biblia Enxet

¹¹ Énxet ekxákma nak aqsok apagkok, apchásenneykekxeyk ma'a ektémakxa nak ekxákma aqsok apagkok, apkenagkamchek katneyk ma'a ektémakxal'a meteymog kélhaxtegkesso netna'awók nepyáwa tegma apwányam.

Proverbios 18:11 Referans Kwoze

Proverbios 10:15

Ekxámokma aqsok apagkok chá'a yásenneykxak ma'a apkelwesse'e nak; meyke aqsok apagkok akke chá'a kasexnenak ma'a meyke nak aqsok apagkok.

Eclesiastés 7:12

Hentaqmelcheshok chá'a m'a negya'áseykegkoho nak aqsok, hawók ma'a selyaqye nak, yeykhágweykmók eyke m'a negya'áseyak nak aqsok, hakte awanchek kagkések apyennaqte m'a énxet ekha nak apya'áseykegkoho aqsok.

Deuteronomio 32:31

“Hakte apkelya'ásegkók ma'a sẽlenmexma nak, cham'a ektáha nak chá'a apkeltaqmelchesso, mogwanchek aghéshok ma'a ektáha nak chá'a negko'o sẽltaqmelchesso.

Proverbios 11:4

Mehempasmek sa' ekxámokma aqsok egagkok ma'a ekhem nélyekpelchamáxchexa sa', ektaqmalma nentémakxa sa' eyke hegwagkasek teyp ma'a nétsapmakxa nak.

Proverbios 18:12

Nentawásamáxche xegeykmok natámen ma'a eyeymáxkoho nak chá'a egwáxok; ekha sẽláyo xegeykmok natámen ma'a megkeymáxkoho nak egwáxok.

Proverbios 28:11

Yának chá'a etnahak apya'áseykegkoho aqsok ma'a énxet ekxámokma nak aqsok apagkok, keñe m'a énxet meyke nak aqsok apagkok, tén han apya'áseykegkoho nak aqsok, ékpelkohok chá'a aptémakxa'.

Jeremías 9:22

Hágkek aphopák náxop ma'a énxet'ák, máxa m'a weyke ekteyáseykha ekhéyak la'a yókxexma, máxa m'a hótáhap apyexna appalleykhal'a neptámen ma'a énxet apkelyaqtónma nak, méko nahan élmákxo.” Wesse' egegkok apxeyenma xa.