28 Kawomhok apchánémap apya'áseykegkoho aqsok tén han apmopwána aqsok, apwanmeya enxoho aqsa m'a énxet ekyeyháxma nak, mepaqmeta enxoho.
¡Kélwanmakkek agkok kéxegke, máxa kóltéhek ma'a énxet'ák ekha nak apkelya'áseyak!
Negya'áseykegkoho aqsok chá'a katyapok apkelpeywa m'a énxet'ák apkelya'áseykegkoho nak chá'a aqsok; keñe m'a énxet élyeyháxma nak, amya'a élyeyháxma aqsa chá'a elxénagkok.
¡Énxet ekyeyháxma nak, xámok chá'a katnehek appeywa! ¿Yaqsa awanchek kaxének ma'a yaqwánxa nak katnehek? Méko ekya'ásegkoho m'a egmonye' nak.
hakte xámok agkok élchetamso apwáxok, katsagkassesek apwanmagko, apxámáseykxeyk agkok han appeywa, exénwók ma'a megkapayhawo nak chá'a antéhek.
Énxet ekyeyháxma nak, exekmóshok chá'a ektáhakxa mékoho m'a élchetamso nak apwáxok elána', elxénmakha eyke chá'a ektáha élyeyháxma m'a pók énxet'ák nak.
Apxakkók aqsa chá'a eltamhok etnehek ma'a apkelmeyókásamákpoho nak chá'a aqsok, elwok chá'a m'a kélpaqhetchesa enxoho.
nágyána aqsa ko'óxa awanmégwak se'e, aptamhágko nak xa, hakte méko táhak yaqwánxa etnehek yátegmowagkok.