Proverbios 17:27 - Biblia Enxet

²⁷ Asextók chá'a epaqmétek ma'a apya'áseykegkoho nak aqsok, megkatneykha chá'a apwáxok ma'a apmopwána nak aqsok.

Proverbios 17:27 Referans Kwoze

Proverbios 14:29

Énxet mepekhésso nak chá'a elwok, cháxa magkenatchesso ekyetna ekyawe apyekpelchémo aqsok; énxet appekhésamap nak, cháxa magkenatchesso apteme ekyeyháxma.

Proverbios 10:19

Énxet ekxákma nak appeywa, xámok chá'a katnehek megyaqhémo appeywa; apya'áseykegkoho aqsok akke m'a apwanmeyeykha nak aqsa chá'a.

Proverbios 15:28

Kalchetmok chá'a sekxók apwáxok énxet appéwomo yaqwánxa etnehek yátegmowágkok, keñe m'a énxet ekmaso nak aptémakxa', yahamok chá'a katyapok appeywa ekmaso.

Eclesiastés 9:17

Tásek chá'a katnehek ekhaxnamáxkoho appeywa m'a énxet ekha nak apya'áseyak aqsok ménnaqtésso nak epaqmétek, megkaxnawok ma'a apkelpáxameykha nak wesse' apwányam, apagkok nak ma'a énxet'ák élyeyháxma nak.

Proverbios 16:32

Tásek etnehek mepekhésso nak elwok énxet, kaxnók etnehek ma'a apyennaqte; tásek yepwának apkeláneykegkoho aptémakxa énxet, kaxnók elmok ma'a tegma apkelyawe nak.