Proverbios 17:23 - Biblia Enxet

²³ Éxakpohok chá'a emok selyaqye yánékpok mexének ektemegweykmoho exma m'a énxet ekmaso nak aptémakxa', yaqwayam enxoho étnakhássók chá'a m'a ektémakxa nak kéllánekxésso amya'a ekpéwomo énxet'ák.

Proverbios 17:23 Referans Kwoze

Miqueas 7:3

Apwancha'ak elanagkok ma'a aqsok ekmaso; eltamhok chá'a elxawagkok ekyánmaga m'a wesse' apkeláneykha nak, elmok chá'a takha' kólmések selyaqye yaqwayam mepékesók aqsok apkelxeyenma m'a énxet'ák segyekpelchémo nak, elanagkok chá'a ekxénakxa enxoho chá'a apkelwáxok elanagkok ma'a kelwesse'e nak, etwássesha chá'a apkeltémakxa énxet'ák ma'a tegma apwányam.

Proverbios 17:8

Yának chá'a kaxnak apmopwána m'a énxet apmésso nak chá'a selyaqye pók yaqwayam megkaxénaxcheyk ektemegweykmoho exma, hakte katyapok chá'a m'a ekyókxoho aqsok apmakókxa enxoho chá'a elána'.

Éxodo 23:8

“Ná ema aqsa exkak aqsok kélmésso naqsa yaqwayam mexének ektemegweykmohóxma, hakte ekho meyke apaqta'ák chá'a katnéssesek énxet kélmésso nak chá'a xa ektéma nak aqsok, néxa nahan chá'a katnéssessamhok aqsok apxeyenma m'a énxet meyke nak aptémakxa.

Deuteronomio 16:19

Nágkólyetnakhássem chá'a m'a ekpéwomo nak kéllánekxésso amya'a kélnámakkok, nágkóltemésses chá'a apyeykhamap pók kóllanok énxet nepyeseksa m'a pók énxet'ák nak, nágkólma chá'a kólxawak selyaqye kóláneyxchek megkólxének aqsok kélwete, hakte máxa meyke apaqta'ák chá'a katnésseshok énxet'ák apkelya'áseykegkoho nak chá'a aqsok ma'a apma nak chá'a exkak selyaqye yaqwayam mexének ma'a aqsok apwete, katwássesha nahan chá'a apkelpeywa m'a énxet'ák apkelpéwomo nak.

Miqueas 3:11

Elmok chá'a takha' elxawagkok selyaqye m'a énxet'ák segyekpelchémo nak tegma apwányam, selyaqye aqsa chá'a eltamhok elxawagkok ekyánmaga apkelxekmósso apnámakkok ma'a apkelmaxnéssesso nak Dios énxet'ák apagkok, keñe m'a apkellegasso nak chá'a Dios appeywa, elmok chá'a ekyánmaga apkeltenneykha elxénmakha appasmo m'a Wesse' egegkok, etnehek chá'a apkelpeywa s'e: “Apheyk negyeseksa negko'o Wesse' egegkok; méko xama aqsok ekmaso awanchek hegáhapwak negko'o.”

Ezequiel 22:12

Yetneyk han chá'a nápakha énxet'ák apagkok apma nak chá'a kólmések ekyánmaga yánékpok yaqhek ma'a pók. Emássesha nahan chá'a selyaqye apagkok pók yetlo apma ekyawe agko' ekyánmaga tén han apkeltémo eyánmagkásekxohok chá'a mók néten, elyennaqtésha nahan chá'a apyempe'ék enaqtawasagkohok ma'a apnámakkok, keñe ko'o megkaxénhek chá'a apkelwáxok. Ko'o sekxeyenma xa, sektáha nak Wesse'.

Isaías 1:23

Élyennaqte apkelwáxok ma'a kelwesse'e apkelwányam kélagkok nak, énxet'ák élmasagcha'a apkeltémakxa nahan ma'a apkelxegexma'a. Meltaqheksók nahan elxawagkok selyaqye m'a apyókxoho nak, etegyagkok nahan yaqwayam nak kólmésagkok aqsa chá'a m'a aqsok kelméyáséyak naqsa nak. Meltaqmelchessásekxeyk ekheykha m'a élyeheykha nak, megkalyetnakhaksók nahan apkelwáxok ektémakxa nak ekheykha m'a kelán'a xentampe'e nak.

Proverbios 21:14

Kamasséssesek chá'a aplo énxet ma'a kélyexamaxkoho nak chá'a kólmések aqsok kélmésso naqsa.

Proverbios 18:16

Yahamok chá'a agmaxchek takha' nensóko enxoho negmésso naqsa aqsok egagkok, agwomok chá'a m'a aphakxa nak énxet ekha nak kéláyo.

1 Samuel 12:3

keso sekha s'e: ¡Ekyementamomchek axta agkok chá'a ko'o weyke aptósso xama énxet, essenhan yámelyeheykok! ¡Eknaqtawáseykegkók axta agkok chá'a, élhayak axta agkok nahan chá'a! ¡Ekmomchek axta agkok han chá'a selyaqye wánéxchek maxének ektemegweykmoho exma! Kélwanchek hélxénchásekxohok sektémakxa nápaqtók Wesse' egegkok, keñe han nápaqtók se'e wesse' apwányam ektáha nak apkelyéseykha, ayánmagkasek sa' nahan ko'o sekméyak aqsok.

1 Samuel 8:3

Axta eyke etnaheykegkok aptémakxa axta apyáp xa apketchek nak. Apmenyeyk axta aqsa exámasagkok aqsok apagkok, emok axta chá'a ekyánmaga yaqwayam mexének ektemegweykmoho exma, axta elánéseykekxak chá'a ekpéwomo agko' amya'a m'a énxet'ák.

Eclesiastés 7:7

Apyennaqteyáseykpók agkok chá'a énxet apya'áseykegkoho nak aqsok, kayeykesek chá'a exma, tén han apma enxoho selyaqye yaqwayam enxoho mexénhek ektemegweykmohóxma, katwássesha chá'a aptémakxa.

Isaías 5:23

Kéxegke, kélmà nak selyaqye kólánéxchek kólxének meyke aptémakxa m'a énxet apsexnánémap nak, keñe megkóllanók ma'a énxet meyke nak aptémakxa.

Ezequiel 22:27

Máxa aqsok nawha'ák éllo élyeptamól'a ekyógkexma apkelwesse'e s'e apchókxa nak, apkelpenchesso nak chá'a yaqwayam elnápok énxet yaqwayam enxoho kaxámekxak ma'a aqsok apagkok.

Miqueas 3:9

Kóleyxho sa' kaxwo' se'e, kelwesse'e, tén han apkelámha apmonye'e nak Israel, kéltaqnagko nak chá'a m'a nentémakxa ekpéwomo, kélyetnakhásseyam nak chá'a ekyókxoho m'a aqsok ekpéwomo nak,