Proverbios 17:10 - Biblia Enxet

¹⁰ Xama kélpaqhetchesso ey'ásegwók ektáhakxa aqsok ekmaso apkelane m'a énxet apya'áseykegkoho nak aqsok, keñe m'a énxet ekyeyháxma nak, cien kelyekpexchetma eykhe kóltéhek, mey'ásegwome'.

Proverbios 17:10 Referans Kwoze

Proverbios 29:19

Askehek kólxekmósagkok kélpaqhetchesso naqsa chá'a m'a énxet kélásenneykha naqsa nak, hakte ey'asagkohok eykhe, melyahakxeyk eyke.

Proverbios 27:22

Kóltekxók eykhe yetlo aqsok aktek ma'a énxet ekyeyháxma nak, megkamassehek eyke apteme ekyeyháxma'.

Proverbios 19:25

Kéllegassásegkok agkok ma'a énxet megkeyxnegwayam nak chá'a appeywa, keñe sa' ey'ásegwók aqsok ma'a mey'áseyak nak aqsok; xama kélnókáseykha aqsa ey'ásegwók ma'a énxet apya'áseykegkoho nak aqsok.

Proverbios 15:5

Megyeyxók appaqhetchesso apyáp ma'a énxet ekyeyháxma nak; keñe m'a apkelyeheykekxoho nak chá'a, cháxa apxekmósa apteme ekha apya'áseyak aqsok.

Proverbios 13:1

Elyahakxohok chá'a appaqhetchesa enxoho apyáp ma'a kélketche apya'áseykegkoho nak aqsok; keñe m'a apchásennamap nak, melyahakxeyk chá'a ektáhakxa kélnokáseykha.

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Proverbios 17:9

Énxet mexnéssamo nak mók kélteméssesakxa ekmaso, yásekhakpohok chá'a; keñe m'a énxet apkelenxányam nak eyaqmagkásekxak kélteméssesakxa ekmaso, kamaskok exek ma'a apnámakkok apkelásekhayókxa nak.

Proverbios 17:11

Apkelámha apmonye'e aqsa chá'a elenmexmakha m'a énxet aptegyeykha nak chá'a ektemegweykmoho exma ekmaso, xama énxet aplo apagko' sa' eyke kóláphássesek ma'a yaqwayam yaqheykha.