Proverbios 16:33 - Biblia Enxet

³³ Etwasagkok chá'a xama aqsok énxet, Wesse' egegkok eyke apxeyenma chá'a m'a ekyókxoho yaqwánxa enxoho kaphemmok.

Proverbios 16:33 Referans Kwoze

Proverbios 18:18

Kamassegwók chá'a apkelátegmómap énxet ektawásexko enxoho chá'a xama aqsok yaqwayam kólya'asagkohok ektáha ekpehewayam, kaxpánchesek chá'a m'a apkelenmexamap nak.

Jonás 1:7

Tén axta m'a aptáha chá'a apcháneya pók apkeltamheykha nak yántakpayhe s'e: —Antawaksek xama aqsok, yaqwayam enxoho agya'asagkohok ektáha sensexnenagko. Aptawásegkek axta xama aqsok, tén axta ekpehewokmo apkelsexnenagko m'a Jonás.

Proverbios 29:26

Apxámok énxet apkeltémo nak kataqmalmakha apwáxok elanok ma'a apkemha apmonye', Wesse' egegkok akke apteme aqsa wánxa aptaqmelchessáseykekxa apheykha énxet'ák.

Nehemías 11:1

Apkelhakmek axta Jerusalén ma'a apkelámha apmonye'e nak chá'a nepyeseksa énxet'ák; keñe axta m'a nápakha apkeleymomap axta aptawásegko chá'a xama aqsok, yaqwayam enxoho elhók chá'a Jerusalén xama nepyeseksa m'a diez énxet'ák, cham'a tegma apwányam appagkanamap nak, keñe sa' ma'a pók apkeleymomap nak nueve, elhók chá'a mók apheykegkaxa nak chá'a énxet.

Josué 18:10

Aptawássek axta xama aqsok Josué yókxexma Siló, nápaqtók Wesse' egegkok, yaqwayam ey'asagkohok ekpehewayam chá'a xapop apagkok, apkexpánchessek axta xapop nepyeseksa m'a israelitas.

Josué 18:5

Yexpánchesek sa' siete yókxexma xa énxet'ák nak, nepyeyam sa' kaphewakxak ma'a Judá xapop apagkok, keñe sa' José aptawán'ák neptámen xapop apagkok ma'a ekpayho nak nexcheyha.

Josué 7:14

Saka sa' kólwaták kélyókxoho ektáhakxa nak chá'a énxet'ák kélagkok, keñe sa' ma'a énxet'ák nak, ko'o sa' chá'a axének wának yánchásekxohok ma'a aphawóxama; keñe sa' ma'a aphawóxama nak, ko'o sa' chá'a wának yánchásekxohok ma'a apnámakkok apagko' nak; keñe m'a apnámakkok apagko' nak, ko'o sa' chá'a wának exének ma'a ektáhakxa enxoho énxet apagkok.

1 Samuel 10:19

Keñe kaxwók kéxegke kélyenyawa m'a Dios kélagkok, apkelmallahanchesso axta ekyókxoho ekmaso kélheykha, tén han kéllegeykegkoho, kélyamasmeyk kéltémo exek xama wesse' apwányam kélagkok yaqwayam etnehek apkemha apmonye' apkeltaqmelchesso. Kólchaqnágwata kaxwók nápaqtók Wesse' egegkok, ektáhakxa nak chá'a énxet'ák kélagkok, tén han kélnámakkok kélagko'.

Proverbios 16:32

Tásek etnehek mepekhésso nak elwok énxet, kaxnók etnehek ma'a apyennaqte; tásek yepwának apkeláneykegkoho aptémakxa énxet, kaxnók elmok ma'a tegma apkelyawe nak.

Ezequiel 21:21

Apkenegwa'ak wesse' apwányam Babilonia m'a eyeynókxa nak ánet ámay, aptawássek xama aqsok apkeltamho kaxekmósek yaqwánxa kaqhohok emhagkok: apkelyeykesáha yágke aktek, apkelpaqhetcháseykpók ma'a aqsok apcháyókxa, apkelanawók ektáhakxa m'a aqsok kélnaqtósso ektekyawa nak ahekhek.

Levítico 16:8

keñe sa' etwaksek xama aqsok m'a yát'ay apkelennay'awo' nak: xama meteymog sa' keytek apwesey m'a Wesse' egegkok, keñe sa' mók meteymog keytek apwesey m'a Azazel.

Jueces 20:9

Tásek antawaksek sekxók xama aqsok, yaqwayam agya'asagkoho', yaqsa kapayhohok kaktamagkok ma'a Guibeá.