Proverbios 16:23 - Biblia Enxet

²³ Apwanchek chá'a elanagkohok apya'asakxa appeywa m'a énxet élchetámeykha nak chá'a apwáxok yetlo apya'áseykegkoho, kalmok han chá'a apkelwáxok énxet'ák ma'a aptáhakxa enxoho appeywa.

Proverbios 16:23 Referans Kwoze

Proverbios 15:28

Kalchetmok chá'a sekxók apwáxok énxet appéwomo yaqwánxa etnehek yátegmowágkok, keñe m'a énxet ekmaso nak aptémakxa', yahamok chá'a katyapok appeywa ekmaso.

Salmos 45:1

Lanawók ko'o ewáxok amya'a ekmátsa; hawók ahaxkok ma'a táxésso apmeykencha'awól'a m'a apmopwána nak etaxaksek. ¡Alyetsetchesek sa' ko'o amya'a ekmátsa ahagkok nápaqtók wesse' apwányam!

Proverbios 16:21

Apmopwána aqsok chá'a eltamhakpok ma'a énxet élchetámeykha nak chá'a apwáxok, yetlo apya'áseykegkoho aqsok; kalmok nahan chá'a apkelwáxok énxet'ák ma'a nempeywa ekmátsa nak.

Proverbios 16:22

Negya'áseykegkoho aqsok ekteme ekteyapmakxa m'a ekyennaqte egnények; nélxekmóssek agkok énxet'ák élyeyháxma nak, élyeyháxma aqsa chá'a etnahagkok.

Job 8:10

Apwanchek eyke exchep eltennasha m'a nanók énxet'ák nak, tén han elxekmósek ekxámokma agko' aqsok.

Proverbios 5:2

Keñe sa' ey'ásegwók apteme apmopwána apkeláneykegkoho aptémakxa, epaqmétek sa' nahan yetlo ekha ektémakxa apya'áseykegkoho aqsok.

Proverbios 15:7

Yexpánchesha chá'a negya'áseyak aqsok ma'a énxet apya'áseykegkoho nak aqsok; keñe metnehek ma'a énxet élyeyháxma nak.