Proverbios 16:20 - Biblia Enxet

²⁰ Tásek katnehek apha m'a énxet apkelyeheykekxoho nak chá'a kélxekmowáseyak; ¡apkeleñémo énxet apteme nak apcháyo Wesse' egegkok!

Proverbios 16:20 Referans Kwoze

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Salmos 34:8

Kólyepkeyn kólya'ásegwók Wesse' egegkok apteme ektaqmalma apwáxok. ¡Apkeleñémo énxet apye'eykekxa nak chá'a!

Proverbios 19:8

Énxet apwete nak apya'ásegwayam tén han apkelane nak ma'a ektémakxa nak apya'ásegwayam aqsok, cháxa apteme apchásekhamakpekxoho apagkok apagko' xa, tásek han katnehek apha.

Daniel 6:23

Payhékxók agko' axta apwáxok wesse' apwányam, keñe apkeltamho kóltekkesek kañe' máxek ma'a Daniel. Axta han kóteyáxchek xama enxoho apyense kéltekkesa m'a, hakte axta ey'ásseykmok Dios apagkok.

Daniel 3:28

Yetlókok axta apteme appeywa Nabucodonosor se'e: “¡Apcheymákpoho sa' kólteméssesek Dios apagkok nak Sadrac, Mesac tén han Abed-negó, apcháphássesa nak apchásenneykha yaqwayam elwagkasek teyp ma'a apkeláneykha melyenseyam nak apkelyetleykha, meláneyák nak ma'a apkeltémókxa nak elanagkok ma'a wesse' apwányam, apkeltémo nak eletsapok, meltekxeyéyak nak aptapnák elpeykeshok ma'a mók kéláyókxa, metnaha nak Dios apagkok!

Proverbios 8:35

Hakte cham'a ektáha nak ko'o séteyeykekxa, cháxa apwetákxo ekyennaqte egnények xa, étak han ektaqmeleykha apwáxok elanok ma'a Wesse' egegkok;

Salmos 146:5

Apkeleñémo énxet appasmo nak chá'a m'a Jacob nak Dios apagkok, apkelhaxanma nak chá'a Wesse' Dios apagkok,

Proverbios 13:15

Yásekhakpohok chá'a m'a énxet apyekpelchémo nak chá'a aqsok, keñe m'a énxet'ák apkelpelakkassesso nak chá'a elsexnenak apnámakkok, elmahagkok chá'a m'a yaqwánxa nak elsexnenakpok.

Salmos 125:1

Megkólwanchek kóltaqhesha m'a apcháyo nak chá'a Wesse' egegkok; aphawók ma'a egkexe Sión, émha nak chá'a meyke néxa'.

1 Crónicas 5:20

appasmomchek axta eyke m'a Dios, apkelmomakpek axta m'a agarenos yetlo m'a apkelxegexma'a axta, hakte apkelmaxneyeykegkek axta apkeltémo epasmok Dios neyseksa apkelnápomap. Appasmomchek axta han ma'a Dios, hakte axta elya'ásseykmok.

Proverbios 17:2

Wesse' chá'a kóltemessásekxak kélásenneykha naqsa apmopwána nak aqsok, apchásenneykha naqsa sa' etnekxak ma'a kélketche ekyeyháxma nak, exkekxak sa' han ma'a aqsok ekpayhawo nak exkekxak ma'a, ektéma nak ma'a pók apkelyáxeg'a nak.

Salmos 32:10

Xámok sa' katnehek apkellegeykegkoho m'a élmasagcha'a nak apkeltémakxa, kápok sa' eyke Wesse' egegkok apchásekhayo m'a aptáha nak chá'a mey'ásseyam.

Proverbios 13:13

Énxet melyaheykekxa nak chá'a kélpaqhetcháseykha, kaqhek sa' apwáxok natámen; exkak sa' eyke ekyánmaga m'a énxet apkelyaheykekxoho nak chá'a segánamakxa'.