Proverbios 16:17 - Biblia Enxet

¹⁷ Negyamasma aqsok ekmaso apkeltémakxa nak ma'a énxet'ák élpéwomo nak apkeltémakxa; nenláneykegkoho nentémakxa', cháxa negmasma negyennaqte xa.

Proverbios 16:17 Referans Kwoze

Isaías 35:8

Keytek sa' nahan xama ámay ma'a neyseksa nak, kólteméssesek sa' ekwesey “ámay ekpagkanamaxche'”. Mopwanchek sa' elpéwhok élmanyása nak apkeltémakxa m'a; melpéwók sa' nahan chá'a m'a énxet'ák élyeyháxma nak.

Proverbios 19:16

Ahóxek chá'a katnehek apha m'a énxet apkelyeheykekxoho nak segánamakxa; yetsapok eyke chá'a m'a apwanyémo nak chá'a ektémakxa Wesse' egegkok sẽlxekmósso.

Proverbios 10:9

Méko xama aqsok katnehek apkekakxa m'a meyke nak aptémakxa'; keñe m'a énxet ekmaso nak aptémakxa', kataxchek chá'a ektémakxa aqsok ekmaso apkelane.

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Proverbios 4:23

Elanagkoho chá'a élchetámeykha apwáxok, hakte cháxa éñamakxa ekyennaqte nak egnények xa.

Proverbios 21:23

Megkasagkehek chá'a apha m'a énxet apkeláneykegkoho nak chá'a aptáhakxa appeywa.

Proverbios 22:5

Xámok kelhanma ámay apagkok ma'a énxet ekmaso nak aptémakxa'; tén han am'ák, étnakhaksek eyke chá'a m'a apmeyámakpoho apagko' nak chá'a.